حواديت يونس وحبيبة بقلم عهد عامر
_انتى اتجننتى عايزة تلبسى دبلة واحد وانتى على زمة واحد تانى يا حبيبة
حبيبة وفيها ايه وبعدين مانا ياما اقنعتكم انى مش عايزة اتجوز حد تانى انا مستنيه جوزى يا سارة
سارة جوزك وهو فين جوزك ده انتى هتجننينى
حبيبة بهدوء صدقينى راجع وهياخدنى احنا مكتوب كتابنا كل الحكاية ان ظهور خالى فجأة بوظ الدنيا وخلاه يطلقنى بس هو مطلقنيش هو قال لخالى انا طلقتها عشان يحمينى
سارة برضو مش مقتنعه وافقتى تقابلى العريس ليه طالما انتى لسه بتحبى يونس
حبيبة يا سارة اى خطوبة ولا جوازه حتى ليا باطله انا متجوزة يونس ومش هتجوز حد غيره مهما يحصل وبعدين...
فى اللحظة دى دخل خالى الاوضة بكل عصبية ومسكنى من شعرى
خالى ايه اللى انتى بتقوليه ده الواد ده احنا مش قولنا منجيبش سيرته على لسانا ده طلقك وسابك يعنى رماكى افهمى
حبيبة يونس مرمانيش يونس بيحبنى هو من ضغطك عليه قالك انه طلقنى
رمانى على الارض لدرجة ان راسى اتخبطت فى السرير وجابت ډم وطلع ورقة من جيبه ورماها ليا
خالى اتفضلى قسيمة طلاقك اهى
مسكتها بايد بتترعش ومهتمتش پالدم اللى نازل من دماغى عشان ڼزيف قلبى كان اكبر فى الوقت ده
حبيبة بتوهان م مستحيل يونس ميعملش فيا كده يونس بيحبنى لا
خالى لسه بتقول بيحبنى مهو طلقك ورماكى اعملى حسابك
سابنى وخرج وسارة جريت عليا وفضلت تكتم فى الچرح وف لحظة توهت عن الدنيا كلها محستش غير بروحى بتتسحب بالبطئ للضلمة بس ضلمتى من غير يونس اكبر.
ماما نورتونا اهلا وسهلا اهلا
محمد بنورك يا طنط
دخل محمد ومامته عريس الغفلة وفضلوا يتكلموا وخالى معاهم لغاية ما خالى غمز لماما انها تقوم تجيبنى.
كنت مغطية الچرح بطرحتى بس كان باين جزء من البلاستر.
سلمت عليهم وقعدت وانا باصة على الارض وساكتة
خالى طيب نسيب العرسان لوحدهم
وقاموا يقعدوا فى الصاله وقعدت انا ومحمد فى الصالون
محمد ايه الچرح ده
حبيبة عادى
محمد بهمس يونس بيسلم عليكى
فى اللحظة دى رفعت دماغى ليه بلهفة وقربت اقعد على الكرسى اللى جنبه
حبيبة بلهفة يونس انت تعرف يونس هو فين وعامل ايه و..
محمد ششششش اهدى اهدى هو كويس والله وبيقولك متقلقيش هيجيلك قريب
حبيبة بدموع خدنى ليه انا عايزه اشوفه قوله حبيبة محتجالك قوى
محمد حاضر متقلقيش هو راجع وقريب اوى كمان انتى دلوقتى هتقولى انك موافقه على الخطوبة وهنتخطب عشان خالك ميعملكيش حاجة.
حبيبة مش مهم اى حاجة المهم يو... يونس طلقنى
محمد باستغراب ازاى
حبيبة خالو جابلى ورقة طلاقى امبارح ومتوقعة من يونس
محمد حبيبة يونس برة مصر ليه شهرين ونص من وقت خناقته
حبيبة بتوهان يعنى برضو سابنى ومشى
محمد صدقينى ڠصب عنه يونس هربان من خالك خالك هدده انه لو مبعدش عنك هيدخله السچن فى شيكات وبلاوى كتيرة اوى وانتى عارفة ان خالك يقدر يعمل كده وهو رفض وعرفنا ان خالك فعلا راح بلغ عنه پتهمة شيكات مزورة ومنعرفش جاب توقيع يونس عليها ازاى عرفنا ده من زمايلى فى القسم وبسرعة هربته لبرة وبالعافية كمان مكنش عايز يسيبك ويمشى
حبيبة پصدمة خالو يعمل كل ده
محمد واكتر كمان صدقينى يونس بيحبك وهو اللى بعتنى اعمل انى عريس عشان يضمن ان محدش ييجى جنبك عشان عارف ومتأكد ان خالك مش هيسكت والنتيجة واضحة على وشك اهو.
حبيبة انا عايزة اكلمه
محمد حاضر هخليكى تكلميه المهم دلوقتى تمسحى دموعك وحاولى تثبتى عشان خالك ميشكش فى حاجة
حبيبة حاضر حاضر
ومسحت دموعى بسرعة وخالى دخل هو وماما ومامة محمد وانا
كنت ماسكة دموعى بالعافية لغايه م مشيوا ودخلت اوضتى واترميت على سريرى وانا مش عارفة افرح ولا ازعل
افرح ان يونس مباعنيش ولا طلقنى زى ما قالى
ولا ازعل انه بعيد عنى بسببى
قومت اتوضيت وصليت وفضلت ادعى ربنا طول الليل انه يحفظه ويرجعهولى بالسلامة .
عدت الايام وخالى وافق على محمد من غير حتى مايرجعلى وجه محمد وكان جايب نفس شكل دبلة
كنت قاعدة فى اوضتى زى عادتى بكتب اشتياقى ليونس للمرة اللى مش عارفة عددها فى النوت بتاعتى وكأنها صديقة الرحلة واللى شاهدة على كل حاجة جوايا شاهدة على وجعى ودموعى واشتياقى وحبى حتى ضحكتى وانا بتخيله معايا.
بدأت اكتب........
لم أجد أى حيلة أصبر بها قلبى وأهدئ بها روحى لم أعد أستطع الصمود أكثر من ذلك أقسم لك أن كل جميل تحول للأسوأ دونك حتى جدران غرفتى بعدما كانت تشهد على فرحتى وسعادتى أصحبت لا تشهد سوى على ألمى ببعدك عد أناجيك بكل جوارحى أن تعد قلب حبيبتك يؤلمها وروحها منكسرة لا أحد يستطيع أن يرمم أشلائهم سواك بربك عد لهم سريعا.
قفلت النوت وحطيتها فى الدرج وفضلت قاعدة بفتكر ذكرياتنا سوا.
دخلت ماما الاوضة وهى ماسكة فى ايدها المغرفة
ماما تعالى ياختى ساعدينى فى المطبخ
حبيبة حاضر
قومت ودخلت وراها المطبخ لقيتها بتجهز اكل وقالتلى انها عازمة محمد ومامته وان خالى هو اللى عزمهم
وقفت جنبها وهى بتعمل الاكل وانا ساكته ومكنش ليا نفس انى امسك معلقة حتى.
افتكرت بعد كتب كتابى بيوم لما كنا عازمين يونس
flash back
دخلت المطبخ
كحكة
