رواية كامله بقلم سولييه نصار
الفصل الاول
انتي اكيد ابوكي تاجر صح !
عشان يعني جاب النوع ده ...علي أساس كناية اني سطلتك بجمالي...معاكستك قديمة وسخيفة زيك يا نرم !
قولتها ومشيت من جمبه ....كنت في فرح ايمان صاحبتي لما قابلت الشخص السمج ده وفضل طول الفرح ماشي ورايا ...هو ما شافش بنات حلوة قبل كده ولا ايه ...
دخلت الحمام ولما طلعت لقيته في وشي
بخ
سلاما قولا من رب الرحيم ....انت تاني عايز مني ايه
نتجوز
ضحكت بتريقة وقولت
انت عبيط صح
لا ماما بتقولي اني اهبل
لا انت فعلا مخك ضارب ولو مبعدتش من طريقي انا هصوت وألم عليك امة لا اله الا الله فاهم ولا لا
لا مفهمتش
انت مستفز ...ابعد عشان اطلع
لا
فجأة وبكل قوتي رفعت رجلي وكنت لابسة كعب وغرزتها في رجله ...
صړخ وبعد استغليت الفرصة وجريت...لفيت وانا بضحك وطلعت لساني وقولت
ادي اخرة اللي يلعب مع هدي القناوي يا كذا نوفا
وجريت وانا بضحك
...
روحت الصبح البنك اللي بشتغل فيه وعرفت أن مديري القديم مشي النهاردة هيجي مديرنا الجديد ...
بصيت لصاحبتي وقولت
اي شغل الروايات ده ...طبعا المدير هيكون وسيم والبنات ټموت عليه بس اكيد هيختارني كمني عيوني زي الغزال وعسلي وشعري بيطير رغم اني محجبة يعني
ضحكت مودة وقالت
يخربيت عقلك ...وطبعا انتي هتكوني اتخانقتي معاه وهو
بس فيه مشكلة
ايه هي
انا الاسبوع ده اتخانقت مع طوب الأرض ...امبارح بس اتخانقت مع ستة ونص تلات شباب ونص وراجل عجوز واتنين ستات مكانوش عايزين يخلوني اخد دورهم في فرن العيش
اه يا مفترية
قالتها مودة وهي بتضحك وكملت
الا قوليلي مين النص شاب اللي اتخانقتي معاه
واحد عاكسني في فرح ايمان مظنش انه هو ده باينه شحات ونرم
المدير اهو يا هدي واقف قدامنا
بصيت وياريتني ما بصيت لقيت الشحات النرم واقف قدامنا وعلي وشه ابتسامة سمجة
شحات ونرم ده انتي قلبك جامد يا هدي
يا مرك يا هدي
قولتها وانا بلطم
ضحك هو وبعد وهو بيعرف نفسه علي نفسه
ازيكم انا الياس النجار المدير الجديد...بتمني نكون علي توافق مع بعض دايما ونحترم بعض ...
بصلي بإبتسامة فخۏفت....خلاص هيطردني ...ده اكيد هيعمل العجايب فيا ....ممكن يتجوزني ويعذبني زي الروايات اللي قريتها وبما اني حظي زفت مش هيحبني ولا يعوضني ...ياربي ايه النحس ده !!
روحنا كلنا علي الشغل وانشغلت ونسيت الموضوع ...مرت الايام وعلاقتنا كانت محدودة بس لسه كنت خاېفة منه ...لحد في يوم رجعت البيت لقيت بابا مقابلني بإبتسامة وقال
متقدملك عريس
مين يا بابا
إلياس النجار !!!
ده اكيد هينتقم مني
قولتها وانا بلطم
يتبع
الفصل الثاني
ليه
ليه
هو يعني مفيش غيري تتدبس يا بابا مش موافق
تتدبس ايه يا بت ده جواز ...هدي حبيبتي انتي قربتي تكملي التلاتين ولحد دلوقتي اي حد يتقدملك يمشي ...ابوس ايديكي متطفشيش العريس ده
يا سلام هو انا اللي بطفش برضه ولا مراتك المحترمة هي اللي بتطلع فيا العبر عشان محدش يكمل معايا
اتكلمي عن امك بطريقة احسن من كده ...هي المرة اللي فاتت مكانش قصدها
دي مش امي
صړخت وكملت
امي ماټت ...دي مرات ابويا اللي انت فرضتها عليها لا انا بحبها ولا هي بتحبني ...دي شيطانة
ضړبني بالقلم وزعق
انتي متربتيش واتفضلي ساعدي امك عشان الناس جايين النهاردة ويا ويلك يا هدي لو العريس ده هرب منك ساعتها هرميكي لخالتك واتبري منك
دموعي نزلت وانا بمشي من قدامه ...كنت لسه هدخل اوضتي لقيت مرات ابويا واقفة ومبتسمة ابتسامة صفرا وقالت
مبروك يا عروسة تتهني بإذن الله
وانتي تتحشري مع ابو لهب في الڼار بإذن الله يا بعيدة
طب خافي مني
بقا النهاردة
قالتها وراحت المطبخ
دخلت اوضتي وانا بمسح دموعي من جهة الياس اللي عايز يتقدملي ومش عارفة نيته ايه ومن جهة تانية اخت ابو لهب في الشړ ...ياربي هو انا الاقيها منين ولا منين ...بس لحظة ليه زعلانة كده كده مرات ابويا هتطفشه
غيرت هدومي وروحت اساعد الحية اللي ابويا بلانا بيها الهي تتشوي في ڼار جهنم البعيدة يارب
......
بالليل
مسكت صينية العصير وانا مبتسمة وماشية براحة ...قدمتها لإلياس وأمه وأبوه ...
ما
شاء الله عروستنا جميلة اووي
ابتسمت بكسوف وروحت اقعد كنت مرتاحة لان مرات ابويا ولأول مرة هتعمل حاجة حلوة عشاني ...ياااه اخيرا هتكفر عن ذنوبها الكتير في حقي انا مش مصدقة نفسي ... ضيفتهم الكيك اللي انا عملته وطبعا هتقول أنها هي اللي عملاه نسيت نفسها بت لواحظ كانت فاكرة الكيكة فونشة مواعين ...بس يالا كله يهون عشان اخلص من السمج اللي طلعلي في البخت فجأة
الله حلو الكيك ده يا مدام ملك
ملك مين والله الاسم خسارة فيها مكانوش سموها تس تس انا التعبان لايق عليها اكتر
ابتسمت حماتي نفس الابتسامة الصفرا اللي في يوم هكسر سنانها بسببها وقالت
دي من عمايل ايد هدهد حبيبتي
ايه ...لا بتعمل ايه البلوة دي ... هتبوظ الخطة بعدين هدهد مين بس هي جبتني من حديقة الحيوان !
عروستنا بتعرف تعمل حلويات كمان
اومال هدهد شاطرة اوووي يا مدام كاميليا في الطبيخ وشغل البيت وحتي ناجحة في شغلها اووي بجد ابنك محظوظ بيها ...لو عندي ابن كنت جوزته ليها
لا
