إسكريبت( بشړ أم طبع) بقلم هاجر نور الدين

كنت قاعدة قدام أختي ومصډومة ومش حاسة بآي حاجة حواليا بعد اللي سمعاه منها وهي بتقول
_كريم أخيرا قال إنه بيحبني وهيتقدملي قريب.
بصيتلها بذهول وقولت بتساؤل وأنا قلبي هينفجر من التوتر
كريم مين معلش
إبتسمت وقالت بنبرة حسيتها فيها فرحة وحقدش
_كريم جارنا يا أماني مالك
بصيتلها بعدم تصديق وقومت فجأة بعصبية وقولت
كريم جارنا اللي أنا بحبه وإنت عارفة ب دا كويس
رجعت ضهرها ل ورا وقالت بطريقة مستفزة
_عادي بقى ضحي عشان أختك هو طلع بيحبني أنا تتعوضلك مرة تانية يا أماني يا حبيبتي.
إتكلمت بهدوء على عكس العاصفة اللي جوايا وعيوني بدأت تدمع من اللي سمعاه من أختي وقولت
إنت إي بجد!
كريم دا أنا كنت بقعد أحكيلك عليه بالساعات وقد إي أنا بحبه وكنت تقريبا بدعي بيه في صيامي وصلاتي كل يوم ليه عملتي كدا ليه!
أخر جملة قولتها بزعيق وقهرة وأنا منفعلة والدموع رغم إني بحاول منعها ولكن بتنزل بغزارة ردت عليا ببرود وخبث طالع من كلماتها بعد ما قامت ووقفت قدامي
_عادي يا أماني يا حبيبتي مجاتش على حاجة إنت عايزاها ومطولتهاش ما أنا ياما عوزت حاجات وكانت من نصيبك إنت مجاتش يعني على حاجة واحدة إنت عايزاها وتبقى ليا.
مشيت من قدامها وأنا مش فاهمة هي ليه بتعمل كدا طول عمري كنت كويسة معاها حتى لو كان في تفرقة الناس بتعملها بيننا ومش شكلا على فكرة لإنها حلوة جدا لكن لطريقتها وشخصيتها اللي أحيانا الناس بتشوفها مؤذية ولكنني عمري ما شوفت دا هي أختي وكل اللي ليا من بعد ما أهلنا إتوفوا وكنت بقول يمكن هما اللي عملولها حاجة عشان كدا مش

حابة تتعامل معاهم ودايما بيفضلوني عنها ولكنني عمري ما شوفت نفسي عليها بالعكس دايما بدعمها وأنكر كلامهم بطريقة أو بأخرى ولكنني كنت دايما بظهرلها حبي ليها وبقدم تضحيات أكتر ليها ولكن دلوقتي لأول مرة أشوف كرهها ليا في كلامها ونظراتها وكمان أفعالها قعدت على السرير وأنا بعيط وبفكر هعمل إي ولكن هعمل إي يعني ما خلاص!
مش قالت إنه بيحبها وهي بتحبه يبقى متدخلش بينهم طلعت
وقعدت برا وكانت هي قاعدة على الكنبة اللي في وشي وبتتفرج على الفيلم وهي بتاكل فشار بكامل الهدوء واللامبالاة وكإن محصلش حاجة من شوية بصتلي وضحكت وقالت
_معلش يا روحي هما يومين عياط وبعدين هتشوفيلك حاجة تانية بس يارب ما أخدها منك زي ما بتعملي معايا.
مرضيتش أرد عليها وقولت بهدوء
الله يسعدكم يا قمر زي ما قولتي هو بيحبك وإنت بتحبيه وأنا مستحيل أتدخل بينكم ربنا يتمملكم على خير.
خلصت كلامي وقومت عملت شاي بالنعناع ودخلت البلكونة وأنا بتنفس بعمق الموضوع مش سهل نهائي زي ما أنا مبينالها بس مقداميش حل تاني إبتسمت وقولت وأنا ببص للسما
_أكيد خير محدش بياخد نصيب حد الحمدلله.
سمعت صوته من جنبي وهو بيقول بتساؤل وإبتسامة
هو مين
بصيتله بخضة وقولت
_إنت مكنتش واقف لما دخلت ومحسيتش بيك لما طلعت دلوقتي!
إتكلم بإبتسامة وقال
أيوا أنا نسمة.
ڠصب عني ضحكت وقولت
_يعني مش كريم
إستوعب اللي قاله وبعدين قال بسرعة وتوضيح
أقصد حضوري زي حضور النسمات مش بيتحس بيه يعني.
بصيتله لثواني بصمت وأنا مبتسمة وبقول في دماغي
ولكن حضور النسمات بيتحس بيه يا كريم بيبقى أجمل شعور ممكن الإنسان يشعر بيه في عز الحر مثلا وحتى لو في البرد مع نزول جفونك على عيونك عشان تشعر بيه

 بشكل أوضح.
فوقني من سرحاني وقال
_روحتي فين
فوقت نفسي لإن مبقاش ينفع أفكر فيه وقولت بإبتسامة خفيفة
صح مبارك.
بصلي بإستغراب وقال
_على إي
إتنهدت وقولت بعد ما بصيت للسما وغمضت عيوني
على إنك لقيت حب حياتك اللي كنت بتكلمني عليها.
إتكلم بعدم فهم وقال
_واللي هي مين اللي عرفتيها من قبل ما أنا أقول حاجة دي
رديت عليه وأنا لسة مغمضة عيوني وقولت
هي قالتلي.
إتكلم بإستغراب أكتر وقال
_هي مين يابنتي أنا لسة معترفتش ولسة مقولتش آي حاجة ليك.
فتحت عيوني بسرعة وصدمة وأنا بستوعب اللي قاله وبعدين بصتله بشويش وقولت بتساؤل
مقولتش آي حاجة ليا دي اللي هو لسة مقولتليش بتحب مين صح
إتنهد وقال
_بصراحة مش عارف هتفضلي غبية لحد إمتى لأ يا ستي مقولتش حاجة ليك عن مشاعري اللي حاسسها تجاهك حاسس فترة الإستعباط كترت شوية وجبت أخري ف.. بحبك.
بصتله پصدمة وقولت
إي
مد جسمه على
البلكونة عندي وخد كوباية الشاي من على حرف البلكونة وشرب منها شوية وبعدين قال بإبتسامة
_بحبك.
بصيتله بإستغراب وأنا مش عارفة أنطق من الصدمة والتفكير وبعدين قولت بتساؤل
طب وقمر
قرب حواجبه من بعض وبعدين جاوبني بعدم فهم
_مالها قمر
لو قصدك إني مقولتلهاش وكدا ف أنا هجيب أهلي ونجيلكم الخميس الجاي.
خلص كلامه بغمزة ومعرفتش أقول إي غير إني إبتسمت إبتسمت براحة وأنا حاسة إن روحي رجعتلي تاني سيبته ودخلت بإحراج ولقيت قمر لسة قاعدة زي ما هي قعدت قدامها وقولت بإبتسامة
_

بالمناسبة اللي عملتيه عشان تجرحيني برغم إني معملتلكيش حاجة فشل وكريم هييجي هو وأهله عشان يتقدملي الخميس الجاي.
سيبتها وقومت دخلت أوضتي سيبتها وهي ملامح الصدمة والكره اللي مش فاهمة سببه على وشها وفعليا يوم الخميس اللي كان بعد الليلة دي ب 4 أيام جه وإتقدملي وبعدها بإسبوعين إتخطبنا كنت بتجنب قمر أختي طول الفترة دي وهي كمان الحقيقة لحد كا جات في يوم عشان تتكلم معايا وفكرتها عرفت غلطها وهتعتذرلي ولكن اللي قالتهولي
_عايزة تعرفي سبب كرهي ليك يا أماني
من غير سبب عشان بس الناس بتفضلك عني وإنك يا حرام أماني المسكينة اللي نفسهم أختها قمر تبقى زيها مش شرانية بكرهك من غير سبب يا أماني عشان زي ما هما بيقولوا أنا شرانية ومؤذية مش أكتر.
بصيتلها وحسيت إن ممكن هي كمان بتتحطم من جواها بسبب الكلام اللي بيتقال عنها وسبب كرهها ليا هو كلام الناس إتكلمت بإبتسامة وحنية وقولت
قمر ممكن نتخطى كلام الناس دي كلها وتعيشي حياتك بشكل عادي وأنا هسامحك إنت مهنا كنت أختي وماليش غيرك.
ضحكت بسخرية وقالت
_يا بنتي كلام ناس إي اللي يأثر فيا أنا فعلا زي ما بيقولوا يا أماني لحد إمتى هتفضلي عبيطة كل دا مش مهم دلوقتي المهم إني جيت أقولك إنك هبلة ومستسلمة واللعب معاك هيبقى ممل ف إتطمني أنا مش هاجي جنبك تاني وعموما مبارك وعقبال فرحك.
بصيتلها بإبتسامة وهي فعلا صعبانة عليا مش عارفة ممكن يكون فعلا بسبب كلام الناس إتأثرت ونفسيتها مبقتش كويسة من جهتي أو جهتهم ولكن
المهم دلوقتي إنها مش هتقرب مني تاني ولا من أحلامي ولا من.. كريم ولو تسمحولي يعني أقول خطيبي وكلها كام شهر ويبقى زوجي.
هاجر_نورالدين
بشر_أم_طبع
تمت