حب ولا صالونات
الاول
_أحنا نتخطب...
_إيه!
قال بهدوء
_ولا أنا ولا أنت عاوزين الخطوبة دي...
قطعت كلامه وقولت بسخرية
_نقوم نتخطب!
شاورت له يقوم وقولت ببرود
_هتروح زي الشاطر دلوقتي تقولهم مافيش تفاهم مابينا ونخلص من الحوار ده يلا..
رفع حاجبه وقال ببرود
_وماتقوليش أنت ليه
بصيت له بقرف... وكنت لسه هرد عليه لكن قطع كلامنا دخول أخته وهي مبتسمه وقالت
_ها أطلع أفرحهم.
بص ليا وابتسم... هزيت رأسي بنفي رجع بص لأخته وقال
_تعرفي تزغرطي
أنا في السن ده يضحك عليا!... هعمل إيه في عريس الغفلة ده!... فتحت الواي فاي جالي كذه إشعار من كذه ابلكشين لكن لفت نظري حاجة واحده بس عريس الغفلة بعتلي طلب صداقة... من غير تفكير رنيت عليه على الماسنجر
رد بنعاس
_وحشتك ولا إيه
رديت بعصبية
_أنت رجعت في كلامك ليه يا عبدالله
قال پصدمة مصتنعة
_أنا!
كمل بهزار
_ماقولتيش يا ندى برضوا وحشتك ولا إيه
تجاهلت كلامه وقولت باستغراب
_أنت مش قولت إنك أنت كمان مڠصوب على الجوازة دي واتفقنا إننا نرفض إيه غير كلامك مره واحده يا عبدالله
قال بصوت ناعس
_بصي يا ندى أنام دلوقتي بس ونتقابل بكرا إن شاء الله وأفهمك كل حاجة.
اتنفست بعصبية وقولت
_وليه مش دلوقتي
قال بسخرية
_مثلا علشان الساعة ٣ الفجر.
قولت باحراج
_احم... ماخدتش بالي من الوقت طيب هنتقابل فين
قال بهدوء
_هبقا أعدي عليك بكرا ونروح كافيه نتكلم هناك.
قولت بهدوء
_تمام... تصبح على خير.
_وأنت من أهله.
حاولت أنام لكن ماعرفتش... بصيت لفوني بتوتر... أكلمه ولا لأ...
رنيت عليه رد بنعاس
_في حاجة يا حبيبتي
قولت وأنا بعيط
_أنا... أتقدملي عريس يا يوسف...
يتبع...
وجاء قلبي لك مهرولا لتنتشله من هذا العالم
فاطمةسميررجب
الفصل_الأول.
رواية_حب_ولا_صالونات
الفصل_الثاني.
_أنا... أتقدملي عريس يا يوسف...
رد يوسف بنعاس
_مش وقت هزارك يا ندى... سبيني دلوقتي أنام.
كملت وأنا بعيط
_والله مابهزر... أنا أتقدملي عريس بجد ومش عارفه أعمل إيه... أعمل أي حاجة يا يوسف... ماتسبنيش
مسحت دموعي بيأس وقولت
_مش عارفه أطفشه...
كملت پخوف
_ أنا مش هعرف أكون مع حد غيرك.
قال بعصبية
_مش هتبقي لغيري أنا هتصرف أهدي أنت بس وبلاش عياط.
قولت وأنا بعيط
_يوسف...
قال بحنان رغم خوفه
_قلبه...
قولت پخوف
_أنا خاېفة...
قال بقوة
_ماتخفيش طول ما أنا معاك.
قولت پخوف
_يعني مش هتسبني
قال بوعد
_عمري ما اسيبك.
فضل يوسف طول الليل بيحاول يهديني... هديت شويه ونمت صحيت على صوت ماما...
_مش تقوليلي أنك هتقابلي عبدالله النهارده.
قالت كده وهي بتفتح شباك الأوضة رديت بعدم فهم وأنا بغطي وشي بالغطا
_وأنت عرفتي منين
ابتسمت وقالت وهي بتقعد جمبي
_عبدالله رن عليا وقالي أدخل اصحيك وأنه ساعة وهيجي تحت البيت يأخدك...
كملت بسعادة وهي بتشيل الغطا من عليا
_كفايه كسل بقا...
بصت ليا پخوف وقالت وهي بتمسك وشي
_أنت معيطة!
هربت من عينها وقولت بتوتر وأنا بقوم من على السرير
_وأعيط ليه يعني!
قومتها وقولت بهزار مصتنع
_واسعي كده علشان ألبس.
ليه لما حبيت حد كل الظروف بتحاول تبعدني عنه!...
طلعت فستان أسود وطرحة سودا يكش البعيد يفهم إني مش طايقه لبستهم وطلعت برا الأوضة...
_إيه ده!
قولت ببساطة
_نازله محتاجة حاجة من تحت
قالت ماما بقلق
_في حد ما ت ولا إيه
قولت باستغراب مصتنع
_لا.
بصت ليا پصدمة
_أنت رايحة تقبلي عبدالله كده!
قولت بهدوء وأنا بأخد المفاتيح
_آه لو مش عجبكم نفضها سيرة.
نزلت بسرعة قبل ماتخليني أغير الفستان أو الطرحة...
لقيت عبدالله واقف قدام العمارة بص ليا وابتسم وقال بإعجاب
_مين قالك إني بحب اللون الأسود
يتبع...
وجاء قلبي لك مهرولا لتنتشله من هذا العالم
فاطمةسميررجب
الفصل_الثاني
رواية_حب_ولا_صالونات
الفصل_الثالث
_مين قالك إني بحب اللون الأسود
ضحكت وقولت بسخرية
_أصلا!...
كملت ببرود
_لا صدقني ماكنتش أعرف لو أعرف ماكنتش لبسته.
ابتسم عبدالله بهدوء وقال وهو بيبص ليا
_ضحكتك حلوه على فكره.
كمل بذوق وهو بيفتح باب العربية بتاعته
_أتفضلي يا أستاذة
واقفت عند باب العربية وقولت ببرود
_لو مفكر إني هحبك يبقا بتحلم.
ضړب كف بكف وقال
_ياستي هو أنا أتكلمت أركبي ربنا يهديك.
ركبت وبصيت له بقرف... ركب وقال
وهو بيبص ليا
_تحبي تسمعي إيه
ابتسمت ببرود وقولت وأنا ببص له
_صوت الصمت.
فضلت طول الطريق سرحانه في شكل الغيوم وافتكرت وأنا صغيرة لما كنت بفضل أتخيل أشكال السحابة... مرة أسد... ومرة عصفورة... ومرة وش إنسان مش متحدد ملامحه... وأشكال كتيره مش فاكرها دلوقتي اتنهدت بهدوء وابتسمت على براءة تفكير الطفلة دي...
_هتفضلي سرحانه كتير
قولت بهدوء وأنا بلف له
_مضايقة حضرتك في حاجة
هز رأسه بنفي وابتسم وقال وهو مركز في الطريق
_بتتخيلي أشكال على السحابة
عدلت قعدتي وقولت پصدمة
_عرفت منين!
بص ليا وابتسم وقال
_بقالك كتير سرحانه وفي ابتسامة على وشك مش بتيجي غير لما نفتكر لحظة حلوه من الطفولة.
ابتسمت بحزن
_ياريت اللحظات الحلوه بتاعه الطفولة ترجع تاني.
بص ليا وابتسم وقال بحماس
_أنزلي.
قولت بعدم فهم
_إيه!
نزل من العربية وفتح الباب بتاعي وقال بحماس
_تعالي ورايا.
مشيت وراه باستغراب لغاية ما لقيته بيشاور ليا أقعد بصيت للمكان لقيته جنينة فيها كراسي وعائلات وأطفال بتلعب عمري ما أخدت بالي من الجنينة دي أو عديت من الطريق ده قبل كده قال عبدالله بهدوء
_أقعدي نشوف أشكال الغيوم سوا.
قولت بتردد
_بس...
قعد على الكرسي وشاور ليا أقعد
_اعتبرينا صحاب دلوقتي مش اتنين نزلين يلغوا جوازه من قبل ما تبدأ على الأقل تفتكريني بحاجة كويسه بعدين.
هزيت رأسي بموافقة وقعدت جمبه ابتسم وقال وكأننا أول مرة نشوف بعض
_أنا عبدالله وأنت
ابتسمت بخفة وقولت
_وأنا ندى.
ابتسم وقال وهو بيشاور على سحابة
_شايفة الكلب اللي هناك ده
ضيقت عيوني وقولت بنفي
_لا يا ابني ده شكله عصفورة...
بص ليا باستغراب وقال برفعة حاجب
_وده أزاي إن شاء الله
شاورت على السحابة وقولت وأنا بشرح له
_لو ركزت هتلاقي في جناحين...
كملت وأنا ببص له بتحدي
_عمرك شوفت كلب بجناحين
ضحك.
_آه...
ربعت إيدي وقولت بسخرية
_والله!...
قلدني وقال
_آه والله.
كمل بتلقائية
_في الكارتون.
ضحكت... وقولت وأنا بحاول اسيطر على ضحكتي
_أنت كنت بتتفرج على كارتون زينا
قال باحراج... وهو بيبعد عنيه عني
_طبيعي مش كنت طفل.
بصيت له بشك وقولت
_يعني مش لسه بتتفرج لحد دلوقتي
هز رأسه بنفي وقال بتوتر
_لا طبعا.
بصيت له ببراءة مصتنعة وقولت
_يا خسارة... كان معايا حلقة لكارتون وقت المغامرة...
كملت بعدم تذكر مصتنع
_كان اسم الابطال إيه فين البشري و...
كمل عبدالله بتلقائية
_والكلب جيك وملك الجليد و...
ضحكت... وأنا ببص له
_وإيه كمان
حرك إيده بعشوائية وقال بتوتر
_ده بنت أخت قرفتني بيه بس.
هزيت رأسي وكتمت ضحكتي
_صادق يا أخويا.
بص ليا وقال بهمس
_يعني لو يفضل سر مابينا يبقا أحسن.
عملت نفسي بفكر بص ليا برجاء ابتسمت بهدوء وقولت
_خلاص صعبت عليا.
شاور ليا أقوم وقال بهزار
_قومي نفشكل الجوازه دي.
كنا لسه هنقوم لكن فوني رن ده يوسف!
قال عبدالله وهو بيشاور على فوني
_ردي...
يتبع...
وجاء قلبي لك مهرولا لتنتشله من هذا العالم
فاطمةسميررجب
الفصل_الثالث
رواية_حب_ولا_صالونات
الفصل_الرابع
كنا لسه هنقوم لكن فوني رن ده يوسف!
قال عبدالله وهو بيشاور على فوني
_ردي...
كمل عبدالله بسخرية
_ إيه Comfort Zone اللي مسجله صاحبتك بيها دي!... عليكم أنتم يا بنات شويه حاجات غريبة.
بلعت ريقي بصعوبة... الحمدلله إني مسجله يوسف Comfort Zone... عدلت طرحتي بتوتر وقولت بعدم إهتمام مصتنع
_لما أروح أبقا أكلمها إن شاء الله.
هز رأسه بموافقة وقال
_براحتك... يلا نروح الكافيه نتكلم.
بصيت للمكان حواليا وقولت
_خلينا هنا أحسن.
ابتسم بهدوء وقال
_عجبتك الجنينة
بصيت للعائلات اللي حوالينا والأطفال اللي بتلعب وشلة الصحاب اللي بيضحكوا سوا أنا ليه ماليش مكان في أي حاجة فيهم... ليه... قولت بحزن
_أوي...
بص ليا بقلق وقال
_أنت كويسه
قولت بهدوء
_فكك مني أنا قولي بقا ليه غيرت رأيك مرة واحده
ابتسم
_ومين قال كده.
نفخت بزهق وقولت
_مش بحب المقدمات الكتيرة أدخل في الموضوع علطول يا عبدالله.
قال بهدوء وهو سرحان في عالم تاني
_أمي نفسها تفرح بيا زي أي أم بس أنا كنت عاوز اشتغل مع أبويا
ونكبر
شغلنا ومش في
