اسكريبت جديد بقلم هبه ابو الوفا بعنوان ( زوجة ثانية)

لقيته بيكلمني تلاته الفجر 
وحشاني 
الكلمه دي كنت حاسة اني عايز احضن الكلمه احضن التلفون ع قد ما هو واحشني 
صوتك بلعتيه ! 
وانت كمان واحشني واحشني اوي 
قولت الكلمه دي وسكت فجأه اتفأجت من نفسي متوقعتش إني أقوله أنه واحشني
كملي سكتى ليه
كنت فين !
كنت ف البلد بزورهم 
اللي يسافر البلد يقفل كل تلفوناته كده ويقلقنا عليه 
أنت قلقتي عليا!
حصل بس هنكر 
ضحكنا او ضحك سمعت صوت ضحكته وقلبي كان بيرقص مع كل كلمه منه الايام بتطير بسرعه جدا وكل يوم بنقرب اكتر لبعض كل يوم ف مفأجاه جديده كل يوم بيعرف ېلمس قلبي بتصرفاته وكلامه كل يوم بحس انه ف جزء منى بيتمناه اكتر فات سنتين واحنا كل يوم بنتعلق اكتر وقلبي مش شايف غير وجوده مش بيسمع غير صوته قلبي حاسس بشيء من الغلط اختفاءه المفاجي مثلا اسبوع كل شهرين كده بس كل ده مكانش هاممني بمجرد ما بسمع صوته كنت بصفي 
بس اخر مره كان الوضع مختلف جية من البلد وفضل يومين كلامه جامد معايا حتي انا كنت مستغربة بيعاملني زي باقي المتدربين مفكرش يتصل بيا مره واحد 
لحد ما لقيته باعتلي مسج 
انزلي تحت انا مستنيكي 
وقتها جريت بدون ما اخد بالي لاي شيء حتي مبلغتش رحمه إني نازاله كل اللي همني انزل اشوفه اخيرا هنتكلم لوحدنا 
جريت اول ما شوفت واقف قدام عربيته وقفت قدامه زي الاطفال لكن نظرته كانت باهته 
مالك خسرنا القضيه!
لا خسړت قضيه اكبر بكتير 
حصل اي
اركبي عشان نتكلم موضوع ضرورى
قلبي بدا دقاته
تعلي ولكني زي المغيبة ركبت 
وصلنا
لحد الكافيه
انا عايز اتقدملك
ابتسمت 
موافقه 
لكن ف حاجه لازم تعرفيها قبل ما ادخل البيت 
قاطعته بكل بساطه وانا مبتسمه
مبتحبش حد يصحيك من النوم وبتحب تاخد اجازه تفصل عن كل العالم ف البلد وبتحب القهوه ساده وبتحبني 
لا 
أومال اي
أنا متجوز
نعم انت اكيد بتهزر صح !
عيني دمعت ڠصب عني كان حد ادالك كل الفرحه اللي ف الكون وخطڤها منك كأني طفل اخدو منه الشكولاته اللي بيحبها 
لا بتكلم جد وعندي يمنه وحمزه 
ضحكت بصوت عالي
انت عامل فيا مقلب صح ! كان نفس ملامحه الصامته خبطت ع الترابيزه بكل قوتي 
اتكلم أنت بجد متجوز !
من ست سنين بس مش بحبها ولا عمري حبيتها هي بنت عمي واتجوزتها عشان العادات عشان كده قاعده ف البلد حتي محدش يعرف عنها حاجه عنها 
مقدرتش اسمع اكتر من كده حسيت نفسي حرامية بتسرق شيء مش ليها كنت سمعاه بينادي بس مش قادره اقف او مش عارفه اعمل حاجه فجاه حسيت بأن كل الكون جاي عليا روحت واترميت وسط سريري واوضتي قفلت ع نفسي شهر ولا عايزه اسمع حد ولا اشوف حد غبت من الجامعه والتدريب غبت عن العالم حتي اهلي استغربو حالتي انا مريم الفرفوشة فجاه ف يوم وليلة حالي اتبدل ملامحي بقت باهته وعنيا الهلات ظللتها اكتر حسيت كاني مش عارفه اعيش لان بدر غايب عني 
فجاه لقتني لبست احسن طقم عندي وقررت انزل المكتب قرت اني لازم اعيش مبسوطه وانا مالي هو متجوز ولالا انا اهم شيء انا وانا مش عارفه انبسط بغيابة 
روحت ووقفت قدامه
أنا موافقه
ع اي بالظبط
ع طلبك الرسمي 
يعني اجي اطلبك من والدك 
بالظبط كده بس مش هتجيب سيرة جوازتك التانية 
متاكده يامريم
متاكده
فات اسبوع وفعلا لقيته بيكلمني يحدد ميعاد مع بابا عرفت بابا اني موافقه بس بابا قال لازم نسأل عنه كان قلبي طول الفتره دي كل ما تلفون بابا يرن يقع ف رجلي لحد ما لقيت بابا بيزعق وماما بتحاول تهديه 
انا بلغته انه مفيش نصيب البيه المحترم متجوز ومخلف وانا بنتي متخربش بيوت
اترجيت بابا زي الاطفال انه هو كده كده هيطلق مراته هو مبيحبهاش
مفيش جواز منه لو كان طلقها قبل ما يعرفك كان ممكن لكن دخل بيت وهو على زمته ست تانية استحاله يطلقها انتي هتبقي كأنك شوكه ف حلق مراته 
وقتها قفلت كل وادني لاني كل الكلام مش كفيل انه يغير راي طول عمري دامغي ناشفه وشفت انه هو النفس بالنسبالي ومن غيره مش هعرف اعيش
طلعت من بيتنا مش عارفه عايزه اعمل اي بس كاره البيت وكاره كل شيء ممكن يحرمني من اللي بحبه ليه يظلمونا عشان هو متجوز اذ كان انا موافقه هما معترضين ليه انا دي حياتي وانا استحمل نتيجة قرارتي 
لقيت رجلي خدتي لركني الوحيد رحمه 
اول ما شفتها حضنتها وحكتلها كل حاجه كنت مستناها تفهمني كنت ببصلها انها الامل ليها لكنها زعقت فيا 
أنت ازاي هتتجوزي راجل متجوز !
بحبه يارحمه بحبه 
أنتي أكيد حصل لعقلك حاجه
هو انك تخربي بيت ده الحب! حب اي وانت هتحرمي طفلين من ابوهم وست من جوزها اللي فاكراه سندها انت غبية يامريم 
انا حبيته مليشودعوه هو مع مين ومليش دعوه انه ف زوجه هتخسر جوزها هو اصلا مش معاها هو كان طول الوقت معايا انا يارحمه هو مبيحبهاش ليه نظلمه يكمل حياته مع بنأدمه مش بيحبها
مش بيحبها يطلقها
يخليها هي كمان
تشوف راجل يحبها زتعيش حياتها لكن هو اناني عايز كل حاجه ازاي مش بيحبها وهو مخلف طفلين ناقص يقولك انه مبيقربلهاش واحتمال تكون حامل ف الطفل التالت هو عايز كل حاجه هو بيكدب انت مصدقاه عشان انتي حبتيه هو لو كان قالك الحقيقه من الاول عمرك ما كنتي فكرتي فيه ده استناكي