اسكريبت جديد بقلم هبه ابو الوفا بعنوان ( زوجة ثانية)

تقعى ويتأكد أنك دايبة فيه عشان يقولك انه متجوز أما اتأكد أنك خلاص وقعتي ومش هتقدرى ترفضي
لا انتي بس اللي ظلماه هو هو 
هو عرف يضحك عليكي خلاكي تبدلي كل مفاهيم حياتك عشان شخص هتخسري كل اهلك ونفسك عشان بنادم !
بحبه انتي بس عشان مجربتيش الحب مش هتحسبيا
لو بنفس نوعيتك دي انا مش عايزه احب ده دمار انا مش هحس بيك صح انتي اللي مش حاسة بنفسك ودوامة الحب سرقاكي بكره تفوقي وټندمي 
مشيت وانا بتحداها وبقولها اني عمرى ما هندم 
قررت اتحدي كل شيء عشان اتجوزه حتي اهلي اول ناس اللي كان الموضوع بالنسبالهم حياه او مۏت مفيش جواز على ضرة عايزك يطلقها طالما مش بيحبها 
لكني لقيت رده استحاله اطلقها دي بنت عمي وام اولادي لكن هعيش معاك انت يامريم 
كلامه زي كل مره بيعرف يخطفني كان سابني ف وش المدفع عشان اقنع اهلي اهلي اللي مقتنعوش ولكنى عاندت وحطيتهم تحت الامر الواقع اما كلمني وقال عنده الحل نزلت عشان اقابله 
احنا نتجوز انت عندك ٢٢ سنه بعني تقدرى تتجوزي بدون ولي امر 
معرفش ازاي لقتني بروح معاه عند المأذون وبكتب كتابي عليه حسيت بانتصار وكأني ببص ف عين رحمه وانا بضحك وبقولها اهو اتجوزته انا مش مهم عندي غير نفسي انا مالي ومال مراته ولا ابنه يحس بأية ما يولع العالم اهم شيء انا مبسوطه وبضحك كنت حاسة إني ملكت العالم وخاصة إني أنا و بدر فضلنا نلف بالعربية ونتكلم ونضحك لاول مره مفيش حدود بينا لاول مره احس انه ف شيء ملكي اينعم ف غصه ف حلقي انه مش ليا لوحدي بس هي مش موجوده هنا 
روحت الساعه عشره انا وبدر 
بابا اول ما شافه صوته على وبدا يزعق لكن ع 
بالراحه ياعمي ده استقبال لجوز بنتك برضو 
ع قد ما رد 
بدر كان مستفز بس ملامح بابا وقتها هي قتلتني بابا اغمي عليه وقتها واول ما فاق قاله خدها ف ايدك مش عايز اشوف وشها تاني انتي خربتي بيتين مش بيت واحد يامريم 
لولا ماما ما اترجته انه نعمل فرح صغير بس عشان الجيران تعرف ومتبقاش جابتلهم العاړ لولا ما وافق الفرح كان بعد اسبوع بس عشان نعرف الجيران وطول الاسبوع ده بابا مبصش ف وشي لحد يوم الفرح البسيط جدا 
كنت ماشية ع قد ما انا زعلانه ع بابا ع قد ما مبسوطه بأنه معايا الإنسان اللي حبيته 
كنت فاكره اني كده كسبت الحړب بس طلعت الحړب لازملها ضحاېا 
بعد اول اسبوع لقيت معاملة بدر اتغيرت تماما بيعاملني كأني مجرد انتيكه ف البيت عايز يرجع يلاقيها ف مكانها حتي التدريب معاه ف المكتب منعني منه محدش عرف بخبر جوازنا ف المكتب حتي رحمه سابت الشغل عنده 
بعد تاني اسبوع سافر البلد وسابني بس مرجعش لوحده رجع بمراته 
لقيته داخل بيها عليا ف نفس الشقه 
كنت ببصله بدموع الكلام هيقف ف حلقي وانا بساله مين دي
دي ام حمزه هتعيش معاك هنا من انهارده 
صړخت ووكسرت رميت كل شيء ف الشقه
دي شقتي
انا
محدش يشاركني فيها
ابتسم
انتي اما وافقتي ع جوازك بيا عارفه اني متجوز وطبيعي اني اعدل بينكم عشان انتي پتخافي عليا ومش عايزني ادخل الڼار ياروحي صح يامريم فعشان كده لازم تبقيوا انتو الاتنين جمبي
كنت مش مصدقه انه ده الشخص اللي حبيته وده كلامه طريقة كلامه فيها تحدي مخيف معقوله بعد ما ضحيت باهلي وقبلت اني اكون زوجه تانية يعمل كده انا انا ملقتش حتي حضڼ واحد اروحله انا فارقت كل الناس عشانه وهو داس عليا بالقوي كمان فجاه حسيت اني خسړت كل شيء اهلي كرامتي لكني حلفت اني هكمل مش هعرف اروحلهم تاني هقولهم كلامكم كان صح 
افتكرت كلام والدياللي يبيع اللي من دمه انتي هتغلي عليه! 
معرفش كان عنده حق غير دلوقت فجاه مطلوب مني اعيش مع ست تانية تشاركني جوزى انا 
ايوه انا اللي دخيله عليهم بس انا كنت عامله حسابي انه ليا لوحدي فجاه معاملته اتغيرت بقي شخص قاسې ف شغله طول الوقت سنه كامله وانا بس بحاول اكمل عشان مرجعش لاهلي واحسهم فرحوا فيا عشان كلامهم كان صح 
سنه وانا مرمية ف البيت حتي شغلي وقفته او بأمر منه لحد ما عرفت اني حامل حسيت اني صعب اكمل كده صعب اكمل وانا حاسة اني بس بخسر بدل ما ابقي فرحانه بخبر حملي حسيت اني عايزه ادرية عنه عايزه اخبيه بدل ما والدي يفرح باول حفيد اكيد هيزعل دلوقت وبدر مش هيطير من الفرحه لان عنده طفلين طفلين هو كل اللي يعرفه عنهم عمرهم وبس ولا يعرف بيحبو اي ولا بياكلو اي وبيحبو يروحو فين هو عايش لنفسه 
كنت بحاول اكمل وقررت اعرفه 
كنت ماسكه تلفوني لقيت مسج بفتحها لقيت صور بدر مع بنت جديده انا شوفتها قبل كده ف المكتب عنده 
حسيت ف ڼار ف قلبي وكأن الكأس المره دي عندي واللي عملته لازم ادوق منه لكني مش هبقي زي مراته الاولي واسكت مراته اللي ملامحها حزينه طول الوقت وساكته شوفتها وسمعتها پتبكي كتير بليل ف اوضه اولادها لكن ده محننش قلبي عليها بالعكس شوفتها ضعيفه وكنت مدياله الحق انه سابها واتجوزني انا اللي عندي احلام لكن فين الاحلام