رواية أقدار بلا رحمه كاملة حتى الفصل الأخير بقلم ميار خالد
الفصل الأول
في احدى العمارات السكنية بالقاهرة
صدع صوت صرخاتها و هي تقول له
تتجوز عليا أنا ليه حرام عليك أنا ذنبي إيه
نظر لها زوجها الواقف أمامها بعصبية و أردف
ذنبك إنك جبتيلي بنت و انت اكتر حد عارف إني كان نفسي في ولد يشيل أسمي
دي حاجه بتاعت ربنا أنا مليش دخل
و عشان كده أنا قررت أتجوز تاني هي اللي هتجبلي الولد و لو مش عاجبك أخبطي راسك في الحيطه
و أثناء كل هذا الشجار كانت تقف في إحدى الأركان تلك الفتاة الصغيرة ذات ال ٦ أعوام و يظهر منها نصف وجهها الباكي فقط و تستمع لحديثهم حتى قالت الأم
و أنا مش هرضى إني أكون زوجه تانيه
ورقة طلاقك هتكون عندك خلال أيام أنا مش هقدر استحمل أكتر من كده أنا كمان بني آدم و ليا قدرة تحمل انت طالق
شهقت الأم بفزع و طالعها هو بقسۏة ثم ألتفت ليخرج من البيت بعصبية لتقع عينيه على طفلته و لكنه لم يهتم و خرج من البيت سريعا سقطت الأم مكانها و بكت بقهره حتى اتجهت اليها الطفلة الصغيرة و ظلت تربت على كتفها بحنان
و مرت بضع أيام على الأم و عصبيتها تزيد يوما عن يوم على طفلتها حتى صړخت بها بإحدى المرات
انت السبب في كل اللي أنا فيه أمشي من وشي !!
فزعت الطفلة من صرخات أمها عليها و ركضت إلى غرفتها پبكاء و ظلت بها قليلا حتى قالت
ماما زعلانه مني أكيد أنا عملت حاجه لازم أروح أصالحها
و عزمت أمرها و خرجت من غرفتها و اتجهت إلى غرفة والدتها و لكنها قبل أن تدخلها توقفت حين سمعتها تتحدث عبر الهاتف و تقول
والله ما عارفه أعمل إيه أنا كمان من حقي أتجوز و أكمل حياتي زي ما هو كمل بس مين هيرضى ياخد واحده معاها بنت لحد أمتي هفضل دافنه نفسي كده ما أنا كمان نفسي اعيش مش كفاية قبلت أتجوزه و هو أكبر مني كمان دلوقتي مش عاجبه و سابني و رمالي البنت أنا لسه صغيرة على الهم ده
كانت الفتاه الصغيرة تسمعها بدموع حتى أدركت أنها سبب تعاسة والدتها و عقبتها في الحياة و بعقل طفلة قررت أن تبتعد عن حياة والدتها حتى تكون سعيدة على الأقل هذا ما كانت تظنه اتجهت الى غرفتها مره اخرى و أخذت دميتها و نظرت إلى غرفتها مرة اخيرة ثم فتحت باب المنزل و نزلت الى الشارع لتضيع بين ثناياه
و لكن ما ذنب تلك الطفلة بكل تلك القسۏة
و إذا كانت الحياة معروفة بالقسۏة و أن اقدارها بلا رحمة فإن الله هو العدل الذي وسعت رحمته كل شيء ولا يوجد كائن على الارض إلا و هو تحت تدبير الله أنه لا ينسى عباده
في احدى ملاجئ الأيتام بالقاهرة
في تمام الساعة الثالثة ظهرا
كانت تجلس في إحدى الأركان بحزن و تنظر أمامها بلا هدف و كأنها لا ترى شيئا حتي شعرت باقتراب إحدى اخواتها بالدار منها
قاعده لوحدك ليه يا براء تعالي العبي معانا
ردت الفتاة الصغيرة التي تسمي براء و التي أصبحت بعمر الثمان أعوام
مش عايزه العب
ليه بس ده حتي عيد ميلادك النهاردة
ثم تحركت من مكانها و قالت بحماس
زي النهاردة من سنتين انت وصلتي للملجأ ده صحيح هو فين يامن و كريم
نظرت لها براء بحزن و قالت
محدش فيهم جه
متزعليش هما بيحبوكي جدا دول بيجوا الملجأ خصوصا عشانك
نهضت براء من مكانها پغضب طفولي و أردفت
لا مش بيحبوني دول نسوا أن النهاردة عيد ميلادي و محدش فيهم افتكرني أنا هروح أنام يا سلمي
ثم ذهبت من أمامها و اتجهت إلى الداخل تاركا تلك الجنينه الممله بنظرها أنها تكون بتلك الحالة في ذهنها عندما توجد بها بمفردها أو بمعني أصح عند غياب أصدقائها الوحيدين بذلك المكان يامن و كريم
ركضت سلمي خلفها سريعا حتى وقفت أمامها و
قالت
استني بس يا براء أنت رايحه فين!
أنا زعلانه دلوقتي يا سلمي خليني اروح الاوضه
لا مش هينفع تدخلي
ليه يعني
نظرت لها براء ببعض الشك ثم دفعتها بخفه و ركضت داخل الدار لتجد المكان مزين بأكمله و كانت البهجة تعم المكان لتتسرب تلك الابتسامة العريضة إلى شفتيها سريعا نظرت أمامها تحديدا لتجد تجمع كبير من البالونات و قبل أن تقترب خرج من بينهم جميع اخواتها بالدار على رأسهم أصدقائها المقربين يامن و كريم ذو العشرة أعوام شهقت براء بفرحه و هي تنظر إليهم فاتجهوا إليها الإثنان و قالوا في وقت واحد
كل سنه و أنت طيبة يا براء
إيه ده! أنا كنت فكراكم نسيتوني
نظر لها يامن بابتسامة جميلة وقال
معقول برضو ننساكي أنا آسف أننا اتأخرنا عليكي بس ماما صممت أننا نعمل كل حاجه لما نرجع من المدرسه
و هنا
أتجه الجميع إلى براء حتي يحتفلوا بها و في تلك اللحظة لاحظت أيضا وجود بعض الكاميرات التي تلتقط لها صور و بعض الصحفيين أمامهم عاليا والدة يامن بتألقها المعتاد نظرت لهم براء بتساؤل ثم قالت
هما مين اللي مع مامتك دول يا يامن دول بيصوروني
فكر يامن للحظات ثم قال بعقل طفولي
مش عارف ممكن عشان ياخدوا لينا صور كتير و تفضل ذكرى و نشوفهم لما نكبر و نضحك زي ما بشوف الكبار بيعملوا
نظر له كريم و قال
أيوه صح بابا و أصحابه بيعملوا كده لما بيشوفوا صورهم زمان
هزت براء كتفيها بعدم اهتمام و أردفت
يمكن
نعود إلى عاليا و الصحفيين كانت تقف بتكبر ترتسم تلك الابتسامة المصطنعة على وجهها حتي اتجه إليها إحدى الصحفيين و ركز الكاميرا عليها و سألها
لفته حلوة منك أن سيدة أعمال من طبقة راقيه زيك تعمل عيد ميلاد لبنت صغيرة في ملجأ
ضحكت عاليا بخفة و قالت بتصنع
لازم طبعا نحس بالطبقة اللي أقل مننا و نفكر ازاي نفرحهم كمان و مش بس كده أنا معوده ابني كمان أنه يصاحبهم و يتعامل معاهم كويس أنا ضد العنصرية في المجتمع
ياريت كل الناس زيك
ميرسي متشكره جدا هنفضل نتكلم كتير ولا إيه خدوا لينا شوية صور كده و عايزاهم بكره يكونوا منورين في الجرايد بعنوانين حلوة
اكيد طبعا
و بالفعل بدأوا في التقاط صور لهم حتي اتجهت مديرة الملجأ إلى عاليا التي كانت تقف بغرور وسط الأطفال حتي يلتقطون بعض الصور لها فانسحبت من بينهم نظرت لها المديرة بضيق و قالت
مكنش ليه لزوم كل ده يا عاليا هانم
ازاي يعني لا كان ليه لزوم انت كنتي عايزاني اطلع بشكل مش لطيف قدام الصحافه
لا مش قصدي بس إيه لازمتها الصحافه انت مفهمتنيش كل ده
حتي لو كنت قولت مكنتيش هتفهمي الحاجات دي مهمه عندي لازم كل حدث اعمله يكون متغطي بالكامل من الصحافه
زفرت المديرة بضيق ثم قالت
اللي تشوفيه
أبتسمت لها عاليا بتكبر ثم قالت
اه و مكنتش عايزاكي تقلقي أنا كلمت جوزي و هو هيتبرع بمبلغ كويس للدار هنا
كتر خيرك يا هانم
ابتسمت لها عاليا ثم ذهبت من أمامها نعود إلى براء التي كانت تفتح هداياها بفرحه شديدة إلي أن وصلت إلى هدية يامن و قد ظهرت لمعة في عينيه ينتظرها أن تفتحها بفارغ الصبر و قد ضم يديه بحماس طفولي نظرت له براء بابتسامة جميلة ثم فتحتها بهدوء لتجد بها فستان وردي صغير يتناسب مع طولها و سلسال طويل مكتوب عليه اسمها براء
ايه رأيك حلوين
نظرت له براء بفرحه كبيرة و قالت
حلوين بس ! دول حلوين اوي انا بحب اللون ده جدا بس في حاجه غريبة
حاجه ايه
السلسلة دي طويلة على رقبتي
ابتسم يامن و قال
ايوه أنا قصدت أجيبها كده و قولت لعمو يخليها طويلة
ليه بس
علشان تفضل في رقبتك لحد ما تكبري خالص و كل ما تشوفيها تفتكريني و عشان كل ما
أشوفها في رقبتك أعرف إنك لسه فكراني
و أنا مش هفتكرك ليه
قال كريم بمزاح
اروح أنا أطفي الشمع طيب
ثم أمسك براء من يدها و سحبها خلفه و أردف
يلا بقى يا براء
ذهبت براء مع اصدقائها إلى الكعكة الخاصة بعيد ميلادها و قبل أن تطفئ شمعها صړخ يامن بها
استني أتمني أمنيه الاول
نظرت له براء بابتسامه و أغلقت عيونها و تمنت بداخلها شيئا ما ثم فتحتهما و اطفئت الشمع ثم ذهب الاطفال حتى يلعبوا جميعا و انصرفت الصحافه فتنفست عاليا براحه و اتجهت إلى يامن و قالت
يلا بقى ولا ايه
استني يا ماما شوية كمان بس ده عيد ميلاد براء
حبيبي يلا عشان ماما مشغوله اوي
طب أمشي و ماما كريم هتبقي ترجعنا
قولت لا يلا
و هنا اتجهت إليها براء و قالت لها
خليه شوية يا طنط بالله عليكي
نظرت لها عاليا بتكبر ثم قالت
مش كفاية اللي عمله ليكي ولا ايه معلش بقى يبقي يجي وقت تاني هو كمان مشغول و عنده مدرسه و مذاكره كتير مش زيك
نظرت لها براء بحزن و ترقرقت الدموع في عينيها بسبب كلمات عاليا القاسېة نظرت لها عاليا بابتسامة مصطنعة و في تلك اللحظة ظهر سؤال واحد في ذهنها
لماذا يعاملني الناس بكل تلك القسۏة
و قال يامن
ماما بلاش تكلمي براء كده هي بتزعل
نظرت له عاليا بعصبية و قالت
والله و انت ينفع تتكلم مع ماما كده عادي
انا اسف خليني شوية عشان خاطري
صمتت عاليا للحظات و في تلك اللحظة صدع هاتفها رنينا فقالت ليامن
هروح اعمل مكالمه و هرجعلك تاني اتفقنا
صړخ الاطفال بفرحة و عادوا الي مرحهم ولكن تلك المره كانت براء صامته لا تبدي اي رد فعل ابتعدت عاليا عنهم قليلا حتي وقفت في إحدى الزوايا و ردت المتصل أردفت
بتتصل بيا ليه أنت مش عارف إني مشغوله دلوقتي!
وحشتيني طب
أنا مش قولت تبطل
كلامك ده افرض جوزي رد عليك مره بالغلط انت عايز توقعني في مشكله
لا طبعا ميرضنيش بس انت كمان لازم تراعيني و لازم تقدري أن حبي ليكي أكبر منه يكفي إنطي اعرفك من قبل ما تتجوزيه اصلا ولا انت نسيتي انا سيبتك تتجوزيه ليه!
زفرت عاليا بضيق و قالت
لا منسيتش محسسني انك مش مستفاد من اللي حصل ده في حاجه
مهما كنت مستفاد مش زيك يا حبيبتي
طيب و المطلوب دلوقتي
اشوفك وحشتيني بقولك
طيب هحاول اظبط مواعيدي و اشوفك
لا والله مواعيدك! انت هتعملي نفسك مهمه عليا ولا ايه
مش قصدي بس بجد عندي حاجات كتير
النهاردة تكوني عندي تمام!
طيب هحاول
عند يامن اتجه
الي براء
عندما وجدها بتلك الحالة و قال
مالك يا براء
هي طنط عاليا ليه بتعاملني كده
متزعليش منها هي مش قصدها مش كده يا كريم
أيوة دي طنط عاليا طيبه اوي
ابتسمت براء و قالت
خلاص انا نسيت كل حاجه
نظر لها يامن و قال
لا انا حاسس انك لسه زعلانه ايه يراضيكي طب
نظرت براء الي الأزهار المعلقة علي إحدى الأشجار و قالت
عايزه ورده من دول
صړخ يامن بحماس و قال
بس كده
ثم ركض سريعا و حاول أن يتسلق تلك الشجره وسط تشجيع كل الاطفال و كاد أن يصل الي الورده و لكن في لحظة اختل توازنه و انزلقت قدمه من على الشجره ليسقط بقوة على الارض!!
صړخت براء
يامن!!
عادت عاليا على صوت صرخات براء لتجد يامن على الارض و وجهه كله ملوث بالډماء التي تسيل من رأسه نظرت له بفزع و ركضت نحوه سريعا لوحده غائب عن الوعي و في لحظات كانت سيارة الإسعاف أمام الملجأ حملت عاليا ابنها و اقتربت منه براء بدموع لتصرخ بها عاليا بقسۏة
أبني لو جراله حاجه بسببك أنا هدمرك انتي فاهمه!! أمشي من وشي
نظرت لها براء بدموع و قالت
أنا بس عايزه اطمن عليه
نظر
لها كريم پبكاء و قال
مټخافيش يا براء انا هروح مع يامن و هبقي اطمنك
خرجوا جميعا و وضعوا يامن في سيارة الإسعاف و انطلقوا به الي المستشفي و عالجوا الچرح الموجود برأسه وسط صرخاته الباكيه و مر اليوم و اخيرا وسط مشاعر كثيره منها الحزن و القهرة و السعاده
و في اليوم التالي جهزت عاليا نفسها حتي تذهب الي حبيبها الخفي حبيبها الذي تخلت عنه بمجرد أن وقع والد يامن في طريقها كان علاء والد يامن رجل طيب نوعا ما يحب زوجته و أبنه و بشده و لكن عيبه الوحيد كان ضعف شخصيته أمام زوجته فبسبب حبه الشديد لها كان يخضع لها في كثير من المواقف حتي مسكت هي زمام الأمور تزوجت عاليا والد يامن بحثا عن النفوذ و الثروة و بعد سنوات من زواجها عادت علاقتها بهذا الرجل مرة أخرى و ظلت تلك المقابلات السريه
خرجت عاليا من بيتها بعد أن أخبرت علاء زوجها أنها ذاهبه الي إحدى صديقاتها و لكنه لم يصدق كلامها لذلك تابعها حتي وقفت بسيارتها أمام إحدى العمارات القديمه ترجلت من سيارتها و دخلت الي البناية بسرعه و هي تتلفت حولها و هو خلفها حتي وصلت الي شقة حبيبها الخفي و كان علاء يشاهد كل هذا فتح لها الباب و دخلت بسرعه قبل أن يراها احد احټرقت دماء علاء بشدة و تملكته العصبية ليذهب باتجاه الباب و يدفعه بقوه! و محاولة مع الأخرى استطاع من كسر الباب! دلف الي البيت بسرعه و بحث به كالمچنون ليجد عاليا بجانب هذا الرجل و تنظر له پصدمة!!
الفصل الثاني
دلف الي البيت بسرعه و بحث به المچنون ليجد عاليا بجانب هذا الرجل و تنظر له پصدمة!! قالت عاليا
علاء! بلاش تفهمني غلط أنا هفهمك كل حاجه
أتجه إليها علاء و قال بهدوء مرعب
أخرسي! مش عايز اسمع صوتك لحد ما نخرج من هنا
صمتت عاليا بتوتر و نظر علاء الي الرجل الذي يقف بجانبها و تحولت نظراته الي العصبية ليعطيه لكمه قويه في وجهه! وقع علي الارض بقوة أمسك علاء زوجته من ذراعها و خرج بها من هذا المكان وسط دموعها استقلوا السيارة بدون أن ينطق بكلمه واحده و بعد فتره مرت بصعوبه عليها وصلوا الي بيتهم دلفوا إليه و وقفت هي أمامه بدموع و بدون أي مقدمات صفعها على وجهها بقوة و أمسكها من ذراعها پعنف و صړخ بها
ليه!! ليه عملتي كده أنا قدمتلك كل حاجه دي أخرتها يا عاليا!
هو اللي ضحك عليا و كان بيبتزني عشان ياخد مني فلوس
اسكتي بقى كفاية كدب! انت متستاهليش كل اللي أنت فيه أنا غلطان من
البداية إني حبيتك ولا فكرت أتجوزك ناس كتير حذرتني و قالتلي إنك مش بتحبيني انت بتحبي فلوسي زي ما اديتك كل حاجه هاخد منك كل حاجه!
لا صدقني
أصدقك!
صمت علاء للحظات ثم قال
في خلال يومين ورقة طلاقك هتكون عندك أنا مش هقدر اشوف وشك اكتر من كده
قال تلك الجملة ثم خرج من البيت ومر يومين كان مختفي بهم تماما وبدلا من وصول اخبار الطلاق إليها وصل إليها خبر ۏفاة علاء! حيث أنهم وجدوه مټوفي في اليخت الخاص به بسبب أزمة قلبية حادة
و كان هذا الخبر صاډم لكل من عاليا و يامن أحست عاليا أنها السبب في مۏته و لكنها أقنعت نفسها أن هذا قدره و نصيبه وبعد ۏفاته انتقلت كل الأملاك الي عاليا و يامن لأنهم عائلته الوحيدة و لم يكن له اخوة أما يامن فقد أبتعد في تلك الفتره عن كل الناس بما فيهم كريم و دخل في فتره أكتئاب لتعلقه الشديد بوالده و كان الحل الوحيد لحالته تلك هو سفره ليكمل تعليمه في الخارج في بداية الأمر الموضوع بشده لأنه
سوف يبتعد عن براء و كريم و لكنه و بسبب إصرار والدته سافر في النهاية حتي يأخد شهادة الثانوية بالخارج
حاول هذا الرجل الرجوع الي عاليا مرة أخرى و خصوصا بعد ۏفاة زوجها و لكنها رفضت و بشدة لقد زاد غرورها كثيرا وخصوصا عندما أيقنت أن كل الخيوط توصل إليها في النهاية وأنها المالكه لكل تلك الثروة! أنانيتها اقنعتها أن تتخلى عن كل الناس و تكتفي بثروتها و أبنها و سافر يامن في النهاية
بعد مرور ثلاثة أعوام
و خصوصا في جنينه الملجأ كان يامن يتحرك بتوتر فحدثه كريم ليهدئ قليلا
أنت متوتر كده ليه أهدى شوية
أنت متخيل إني هشوف براء ولأول مره بعد ٣ سنين!
ضحك كريم و قال
دي أول ما عرفت إنك رجعت من السفر فرحت جدا أحمد ربنا إنك صممت تخش الجامعة هنا و إلا كان زمانك هتقضي الأربع سنين هناك كمان
هي اتأخرت كده ليه
ضحك عليه كريم وفي تلك اللحظة أنتبه يامن للقادمة نحوهم وكانت براء التي تغيرت كثيرا عن أخر مره رآها بها حجابها الرقيق الذي زين وجهها الصافي وعيونها البندقيه ذات الرموش الكثيفة وملامح وجهها الرقيقة اتجهت إليهم بخطواتها الهادئة و أنفاسها المتسارعة بتوتر عندما وقع بصره عليها و أردفت
حمدالله على سلامتك عاش من شافك يا سيدي
فين براء
نظر له كريم بتعجب و قال
ما هي قدامك أهي يا ابني
سرح يامن بها للحظات حتي قال بدون تركيز
شكلك أتغير جدا بقيتي جميلة جدا يا براء!
ضربه كريم في كتفه بخفه وهنا أنتبه يامن إلى كلماته ولوجه براء الذي كساه اللون الاحمر من الخجل حاول يامن أن يغير الموضوع فقال
النهاردة هنقضي اليوم كله مع بعض زي زمان و نتجمع مع كل اخواتنا في الدار إيه رأيكم
نظرت له براء و قالت
بس النهاردة عندي شغل كتير في الدار
مليش دعوة بكل ده أنا ظبطت كل حاجه خلاص
صمت الإثنان و انتظروا رأي براء حتي أبتسمت هي و وافقت و بدأ يامن و كريم بتجميع كل أطفال الدار و لعبوا سويا طوال اليوم و قد استمتعوا بكل لحظة فيه و أثناء لعبهم لاحظ يامن تلك السلسلة المعلقة برقبة براء فقال لها
معقول لسه محتفظة بالسلسله دي!
نظرت له براء بخجل و قالت
علشان كل ما تشوفها تعرف إني لسه فاكراك
الكاتبه ميار خالد
أبتسم لها يامن ثم رجعوا إلى بقية الأطفال و من بعد هذا اليوم أقترب يامن من براء أكثر و قد تعلق بها كثيرا و هي أيضا و لكنها فضلت أن تخبئ شعورها بداخلها و بعد فتره طويلة كان يامن قد أكمل العشرين من عمره و في إحدى المرات أثناء زيارته لها قالت له و هي غارقة في أفكارها
أنا خاېفه
خاېفه من ايه
فاضل شهرين و أكمل ال ١٨ سنه و ساعتها هخرج من الدار هنا
أنتبه لها يامن أكثر لينتفض من مكانه لقد نسي تماما هذا الأمر! صمت بقلق فنظرت له براء بابتسامه و قالت
أنا بقولك عشان تخليني أطمن مش علشان تقلق أنت كمان
نظر لها يامن للحظات حتى قال
براء أنا لازم أقولك حاجه مهمه
نظرت له براء بتساؤل و أردفت
حاجه إيه
أنا
و كاد أن يعترف لها و لكن أوقفه هاتفه الذي صدع رنينا و كان كريم نظر أمامه للحظات و شعر أنه بحاجه لترتيب أفكاره فقال
براء أنا لازم أمشي دلوقتي هاجي أشوفك بكره خليكي فاكره
نظرت له براء بعدم فهم و لم يترك لها فرصه حتى ترد لأنه نهض سريعا من مكانه و خرج من الملجأ و ظلت هي تطالعه بتعجب حتى نهضت من مكانها هي الأخرى و ذهبت لتتابع عملها و في طريقها للداخل قابلتها صديقتها سلمي و قد غمزت لها بأحدي
عينيها نظرت لها براء بعدم فهم و قالت
في إيه بتبصيلي كده ليه
مش ملاحظة أن قربك من يامن زاد أوي الفتره دي
و إيه الجديد إحنا صحاب من زمان جدا
أيوه بس دلوقتي الوضع اتغير
نظرت لها براء للحظات ثم قالت
أتغير
أزاي يعني مش فاهمه
يعني أنتوا مبقتوش صغيرين يا براء العمر بيجري و هو دلوقتي بقى عنده عشرين سنه يعني لا أنت صغيره ولا هو عيل أعتقد فهماني
نظرت لها براء بثبات و قالت
اللي في دماغك ده مستحيل يحصل يا سلمي اطمني أنا عارفه حدودي كويس و عارفه أنا فين و هو فين مع معني أننا صحاب ده هيخليني اتعشم بحاجه مستحيل تحصل
ثم تركتها و رحلت سريعا و طالعتها سلمي للحظات حتي ذهبت هي الأخرى وقفت براء في إحدى الأركان و كأن قلبها يدق بصوت عالي و بعد لحظات تحركت من مكانها لتصطدم بحنين إحدى اخواتها في الدار و كانت بعمر الخمسة عشر عاما وقالت عندما رأتها
براء كنت بدور عليكي كنتي فين
معلش يا حنين كنت مشغوله شوية
طالعتها حنين بحزن و قالت
كل ما افتكر أنه فاضل شهرين و تمشي قلبي بيتقطع عايزه أقضي كل لحظة معاكي أوعي تنسيني يا براء
اخس عليكي يا حنين انساكي إزاي بس ده أنت أختي الصغيرة
بجد يعني هتبقي تيجي تزوريني و أشوفك
أكيد طبعا
حنين بفرحه و ذهبوا لينهوا عملهم في الدار
و في
اليوم التالي كان يامن
يقف في جنينة الملجأ في انتظار براء و بجانبه كريم و كان يبدو على يامن التوتر الشديد فقال كريم
مكنش اعتراف ده يا سيدي
نظر له يامن بتهكم و قال
خاېف يا كريم أنت عارف أن براء حساسه جدا خاېف متتقبلش مشاعري دي و ساعتها هكون خسرتها حتى كصديقة عمري
نظر له كريم و ظهرت إبتسامة صغيرة على جانب شفتيه و قال ليطمئنه
متقلقش أتكل علي الله و قولها اللي في قلبك بس الأهم من كل ده أنت قدرت تقنع طنط عاليا بمشاعرك دي براء فاضلها شهرين و تخرج من الدار هتقدر في الوقت ده تظبط كل حاجه
زفر يامن بضيق و قال
لسه مقولتلهاش على الموضوع بس أنا مش صغير يا كريم غير كده هي مش هتقولي لا لو عرفت إني بحبها من صغري كانت بتعملي كل اللي أنا عايزه معتقدش ترفض المرة دي
كان يامن يقول تلك الكلمات و لكن بداخله كان يكمن قلق خفي من رد فعل والدته حين تعرف أنه قد وقع بحب تلك الفتاه البسيطة التي اقټحمت حياته منذ عدة سنوات أنه يتذكر ذلك اليوم الذي وقعت عينيه عليها تلك الفتاة الصغيرة ذات الشعر الغير مرتب و دموعها التي ټغرق عيونها و نظرات الضياع و الحزن التي قد خيمت في عينيها كل هذا تجمع في طفلة بعمر ال٦ أعوام لم تكن تعرف أي شيء سوى إسمها فقط براء
و في تلك اللحظة دخلت عليهم براء و قالت حين رأتهم
عاملين ايه كريم شكلك تعبان كده ليه
قال كريم
الكلية مطلعه عيني
ربنا يقويك أنا كمان مشغولة جدا في الدار بدأت أعلم أخواتي الصغيرين الخياطه و الكتابة
الكاتبة ميار خالد
و هنا لاحظت سكوت يامن لتنظر له بعيون لامعه أردفت
ساكت ليه
ها لا مفيش
ثم نظر إلي كريم بنظرة ذات مغزي ليبتسم كريم ثم أبتعد عنهم قليلا أردف يامن
براء كنت عايز أسألك علي حاجه ممكن تستغربي شوية بس عندي فضول أعرف و يمكن دي أول مره أسألك السؤال ده
أبتسمت براء و قالت بمزاح و قد حاولت أن تلطف الأجواء قليلا
أنت متوتر كده ليه مش عوايدك يعني
أرجوكي اسمعيني دلوقتي بس
ماشي أسأل
أخذ يامن نفسا عميقا ثم قال
أنت وصلتي للملجأ ده ازاي أقصد يعني أنت مش فاكره أي حاجه عن اهلك
و كانت كلماته تلك كفيله حتى تزيل تلك الابتسامة عن وجهها و قد عادت نظرة الحزن إلى عيونها مرة أخرى و لمعت عيونها و لكن بطريقة مختلفة تلك المرة
يهمك تعرف
أكيد
تنهدت براء بضيق ثم قالت
من يوم ما اتولدت و أنا علاقتي مش كويسة مع بابا يمكن كنت صغيره اه بس فاكره كل حاجه بالتفاصيل فاكره الزعيق و الخناق و
الضړب اللي كنت بشوفه بعيني بس عشان أنا بنت مش ولد زي ما بابا كان عايز
صمتت للحظات ثم أكملت
و بعدها بابا و ماما أطلقوا و فجأة بقيت أنا مصدر التعاسه لماما و كل ما تشوفني تفتكر إني السبب في طلاقها مش فاكره إيه اللي حصل بعدها غير إني فتحت الباب و نزلت الشارع و بعدها حد لقاني و وصلني للملجأ هنا بس هي دي حكايتي
نظر لها يامن بأسف و قال
أنا آسف إني فكرتك بكل ده
كنت عايز تعرف ليا أهل ولا لا أنا ليا أهل يا يامن
بس للأسف مكنش ليا نصيب أعيش معاهم ولا أحس إني بنتهم بجد
أنا مكنش قصدي اجرحك بسؤالي بس من حقي أعرف
من حقك ليه
تنهد يامن بحرارة ثم نظر لها و أمسك يدها و أردف بهدوء
أنا بحبك يا براء
نظرت له براء بعيون متسعه من الصدمة ثم سحبت يدها عنه بسرعة و أبتعدت عنه بخطوات و قالت
إيه اللي انت بتقوله ده!
أنا بحبك و مش حب صديق أو أخ لا أنا بحبك يا براء و عايز أكمل حياتي معاكي
أنت مستوعب أنت بتقول إيه! و أنت متخيل إني حتي لو وافقت بالعلاقة دي المجتمع هيوافق والدتك نفسها هتوافق!
المجتمع و أنا مالي بكل ده أنا بقولك إني بحبك أنا مليش دعوة بكل التعقيدات دي
تنهدت براء بحزن و قالت
عارفه و فاهماك بس صدقني كلامك ده هيفتح علينا باب صعب أوي يتقفل تاني
أقترب يامن منها قليلا و لكنه ترك مسافه حتى لا تنزعج و قال بهدوء و هو ينظر إلى عيونها مباشرة
هرجع اقولك إني مليش دعوة بكل ده أنا قولت كلمه واحدة و مستني ردك عليا
نظرت له براء بتوتر و قد خاڼها قلبها ليخفق بشدة و قد احمرت وجنتيها بخجل و تسربت إبتسامة هادئة إلى شفتيها ثم تنهدت و أردفت
أنا مليش غيرك يا يامن أنا بس خاېفة خاېفة تتخلي عني في يوم زي ما اهلي عملوا و أنا قلبي مبقاش حمل فراق تاني
هو أنا اتخليت عنك في يوم لحد دلوقتي
لا
طيب ليه بتقولي كده
خاېفة يا يامن
أبتسم
مش عايزك تخافي من حاجه أنا معاكي و عمري ما هسيبك خليكي فاكرة ده
أبتسمت براء بحب و أردفت
و أنا واثقة فيك
و هنا أتجه كريم إليهم و ابتسامته المرحه علي وجهه و قال
ايوه يا عم و أخيرا لو شوفتيه من شوية يا بنتي كان خاېف و متوتر و أنا ضحكت لأني كنت عارف أنك هتوافقي
ليه يعني و أنت عرفت منين
يا حبايبي أنتوا الاتنين واقعين
ضحك يامن على كلام كريم و خجلت براء قليلا و بعد أن انتهت ضحكاتهم تلك نظر يامن إلى براء بعيون تشع بالحب و قال
أنا هروح أبلغ ماما بقراري ده و بأذن الله لما توافق قبل ما تتمي ال ١٨ سنه و تخرجي من هنا هتكوني على إسمي أنا عارف أنه فاضل كام شهر خلاص بس مش عايزك تقلقي
نظرت له براء بعيون متسعة ترسل له نظرات بألف معني و كأنها تريد ان تقول له إنني أثق بك أرجوك لا ټقتل قلبي و تخذله بك
أنا واثقة فيك متتأخرش عليا
ابتسم لها يامن ثم خرج من المكان مع كريم و أتجه إلى منزله حتي يقول لوالدته!
الفصل الثالث
توقف كريم بسيارته أمام منزل يامن طالعه يامن بتوتر و كالعادة كان كريم يشجعه بشده و حاول أن يزيح هذا التوتر عنه فقال له كريم
ليه القلق ده كله أنت مش قولت أن طول ما أنت عايز الحاجه والدتك مش هترفض
عارف بس في قلق جوايا حاسس أن الأمور مش هتمشي زي ما أنا عايز
متقلقش وخليك واثق في ربنا واتكل علي الله يلا
أخذ يامن نفسا عميقا ثم ترجل من السيارة وأتجه الي بيته تاركا كريم بداخلها دلف إلى بيته وظل يبحث عن والدته للحظات حتي
وجدها بغرفتها وكان حولها الكثير من الناس و من الواضح أنها تجهز نفسها لحدث ما
في إيه يا ماما إيه كل الناس دي
حبيبي أنت وصلت أنت نسيت أن النهاردة عندي تكريم ولا إيه
ضړب يامن رأسه بخفه و قال
آسف جدا نسيت
إيه اللي شاغل بالك للدرجادي خلاك تنسى ماما
ده اللي كنت عايز أكلمك فيه
أنت شايف ده الوقت المناسب طيب ألغي أي كلام دلوقتي
لا مش هينفع ألغي الكلام يا ماما أنا عايز أكلمك على انفراد يا إما هتكلم دلوقتي في وجود الناس برضو
نظرت له عاليا پحده ثم أمرت الجميع أن يخرجوا من الغرفة قليلا وبعد لحظات كانوا وحدهم في الغرفة أردفت
عايز إيه يا يامن
نظر لها يامن للحظات وبدون أي مقدمات قال
أنا بحب براء وعايز اتجوزها
نظرت له عاليا بعدم فهم و قالت
براء مين
نظر لها يامن وقال بتوتر
و هو أنا أعرف كام براء يا ماما
نظرت له عاليا للحظات ثم ضحكت ضحكه عالية وقالت
أنت شايف ده وقت هزار طيب مش معقول يا يامن أنت لسه مخك صغير كده
أنا مش بهزر! أنا فعلا بحب براء و عايز أكمل معاها
نظرت له عاليا پحده ثم انتفضت من مكانها بفزع و أردفت
ده إللي هو ازاي يعني أبني أنا يحب تربية الملاجئ دي أنت عايز ټفضحني !
اڤضحك
ايوه ټفضحني أنت أزاي سمحت لنفسك تحس بكده إتجاه البنت دي اصلا
و فيها إيه مش فاهم
فيها إنها من ملجأ يا يامن فيها إنها مش من نفس مستوانا
تعرف إيه أنت عنها ولا عن عيلتها دي ممكن يكون وراها مصېبه
و هو من أمتى الملجأ كان عار يا ماما غير كده مش أنت طول عمرك مخلياني اعاملهم كويس و بتقولي أنك ضد العنصرية إيه كلامك ده
تعاملهم كويس اه عشان شكلي قدام الناس لكن تروح تحب منهم لا وكمان عايز تتجوزها مستحيل أسمح أن ده يحصل
بس أنا بحبها لو مش هتكون ليا مش هيبقي في غيرها في حياتي
أنت لسه صغير على الحاجات دي و ده مجرد إعجاب بلاش تدي الموضوع أكبر من حجمه بكره تنساها لما تشوف الأحسن منها
مستحيل!
أفهم من كده إيه يعني هتقف في وشي عشانها
أنا عمري ما أقف في وشك لأنك امي بس أرجوكي فكري فيا و لو للحظة أنا بحبها و مش هقدر أشوف غيرها في حياتي
نظرت له عاليا بتكبر و عقدت ذراعيها أمام صدرها و قالت
و أنا قولت اللي عندي
نظر لها يامن بعناد و إصرار أكثر و قال
و أنا كمان قولت اللي عندي و لو أنت مش موافقة بيها أنا هسيب البيت ده
نظرت له عاليا بسخرية و ضحكت باستهزاء و قالت
والله ولما تسيب البيت ده هتروح فين اصلا لو أنت فاكر أنك ممكن تعمل حاجه ڠصب عني تبقي غلطان من اليوم اللي أبوك فيه أتوفى أنا اللي بقيت ماسكه كل حاجه و لو فاكر أنك هتقدر تبني حياتك بعيد عني تبقي غلطان جدا
نظر لها يامن پحده و صړخ
أنت ليه بتعملي فيا كده!!
أنا قولت إللي عندي واتفضل على الاوضه بتاعتك يلا
و أنا مش موافق بالكلام ده! مينفعش تمنعيني أنا مش صغير
لا صغير ! و لو البنت دي اقنعتك بالكلام اللي أنت بتقوله ده على اساس إني اقتنع تبقي غلطان صحيح هستني إيه من واحده زي دي
بلاش تتكلمي عنها بالطريقة دي هي متستاهلش كده منك
أنا مش عارفه إزاي عيله زي دي تضحك عليك لو فاكر أنها بتحبك بجد تبقي غلطان كل اللي هي بتعمله ده عشان فلوسك و مركز!
يا ماما لا براء مش كده أنت غلطانه
نظرت له
عاليا پحده و قالت بنبرة ټهديد
يامن
بلاش ټعصبني أكتر من كده بدل ما أستخدم معاك طريقة أنت مش هتحبها
أنا ميهمنيش كل ده عن أذنك
قال تلك الجملة ثم خرج من الغرفة بسرعة
زفرت عاليا بعصبية ثم أمسكت هاتفها و اتصلت بالأمن حتي يمنعوه من الخروج و بالفعل بمجرد أن نزل إلى الاسفل أمسكوا به قبل أن يصل لكريم الذي كان ينتظره في السيارة و حبسوه في غرفته ظل كريم مكانه حتي أحس بتأخر صديقه فترجل من السيارة واتجه الي البيت و قبل أن يصعد اتجهت إليه عاليا وقالت بنبرة قاطعه
تروح تقول للبنت دي أنها احسنلها تبعد عن حياة ابني و إلا هيكون ليا تصرف تاني معاها مفهوم
هو يامن قالك
ايوه قالي و أعتقد قراري واضح
طيب هو فين
في الاوضه بتاعته هو اضايق من كلامي جدا بس مش عارف أن كل ده لمصلحته و مش عايز يخرج منها
بس أنا لازم اشوفه
هو قالي أنه مش عايز يشوف حد
بس
مفيش بس تروح تبلغها بالكلام ده بدل ما أنا اللي أبلغها بنفسي
حاضر
قال تلك الكلمة ثم خرج من البيت بحزن شديد واتجه إلى الملجأ ولا يعلم ماذا يفعل وبعد أن خرج من المكان رفعت عاليا هاتفها و أتصلت بمديرة الملجأ و بمجرد أن ردت عليها حتى صړخت بوجهها
أنت نايمه على ودنك ولا كان عاجبك اللي بيحصل
نعم أنا مش فاهمه حاجه
أبني أنا اللي اول مرة يتعصب عليا يكون بسبب البنت دي
ممكن تفهميني براحه إيه اللي حصل طيب
براء
مالها براء دي هاديه و طيبه عمرها ما عملت مشاكل
اه ما هي دي طريقتها في السيطرة علي الناس بس الكلام ده مش هيدخل دماغي هي مش البنت دي كملت ال ١٨ سنه خلاص يعني المفروض تخرج من الملجأ
لسه كمان شهرين
البنت دي تخرج بكره من الملجأ انت فاهمه
ازاي بس مينفعش
لو كلامي متنفذش التبرعات اللي بتجيلك كل شهر انسيها بكره البنت دي تكون برا الملجأ و ياريت لو اخبارها تتقطع خالص
صمتت المديرة للحظات ثم قالت بحزن
حرام عليكي دي يتيمه بلاش تيجي عليها هيبقي انت و الدنيا
زفرت عاليا بضيق وقالت
أنا كلامي واضح البنت دي تطرد من الملجأ بكره و إلا انت عارفه أنا ممكن أعمل ايه
ثم انهت المكالمة في وجهها لتقول المديرة بقلة حيله
حتي اليتيم مش بيرحموه عملتي إيه يا براء في حياتك عشان تقابلي كل الحاجات دي سامحيني يا بنتي بس مفيش قدامي حل تاني يارب أنت كريم و عادل وقفلها ولاد الحلال
قالت المديرة تلك الجملة ثم خرجت من مكتبها واتجهت إلى غرفة الخياطة حيث تتواجد براء و دلفت إليها
لتجدها تصمم إحدى الفساتين تنحنحت المديرة لتنتبه لها براء و نهضت من مكانها بسرعه احتراما لها فقالت لها المديرة
ارتاحي يا بنتي
كنت لسه جايه لحضرتك أنا عملت شوية فساتين للبنات من القماش اللي كنتي جيباه بدل ما نشتري جديد أنا حاولت اوفرلك شوية
أبتسمت المديرة بحزن و قد ظهرت بعض الدموع في عيونها أردفت براء
مالك بټعيطي ليه في حاجه حصلت
بعيط عشان هتوحشيني
أبتسمت براء وقالت
لسه فاضل شهرين معقول بټعيطي من دلوقتي
جهزي هدومك يا براء عشان هتمشي بكره
نظرت لها براء پصدمة وأردفت
بكره!
ايوه العدد زاد اوي و أنا مش هستحمل شهرين في الزحمة دي
بس أنا لسه مش مستعده أنا قولت في خلال الشهرين دول كنت هحاول اظبط دنيتي لكن بكره صعب اوي
أنا مش باخد رأيك أنا جايه ابلغك ابدأي لمي حاجتك يلا
نظرت لها براء برجاء و قد تكونت بعض الدموع في عيونها لتقول
اديني فرصة أسبوع طب
لا يا براء بلاش تضيعي وقت يلا
قالت تلك الجملة ثم خرجت من الغرفة بحزن لتترك براء في حاله يرثي لها وبعد لحظات وصل كريم الي الملجأ و عندما رأته براء اتجهت إليه سريعا و كانت الدموع ټغرق عيونها ليفزع هو حين يراها بتلك الحالة قال
في إيه!
المديرة جت بلغتني إني هسيب الملجأ بكره
أزاي مش لسه فاضل شهرين!!
مش عارفه إيه اللي حصل
شرد كريم قليلا و قال
يبقى أكيد قالتلها حاجه!
نظرت له براء بعدم فهم
و قالت
هي مين و فين يامن هو مجاش معاك
طالعها كريم بحزن و أردف
والدة يامن للأسف هو قالها على حبه ليكي و هي رفضت و عملت مشاكل
أبتسمت براء پقهرة و قد خانتها دموعها المعلقة بعيونها لتتساقط و قالت
كنت عارفه أن ده هيحصل و إنها مش هتوافق بيا بس هو وعدني
انا طلبت أشوفه بس هو مش عايز حابس نفسه في الاوضه بتاعته و مش عايز يشوف حد
قالت براء و كأنها لم تسمع كلماته تلك
هو وعدني أنه مش هيتخلي عني و مش هيسبني أنا وثقت فيه و قولتله إني مليش غيره معقول كل ده ملهوش قيمه عنده حتى مش قادر يجي يبص في عيني أختار أنه يهرب
بلاش تظلميه يا براء متعرفيش إيه اللي جواه و هو حاسس بأيه
و أنا إيه أنا مين يحس بيا و يحس بقلبي اللي اتكسر و كرامتي اللي اداس عليها بس علشان من ملجأ ذنبي إيه أن اهلي يتخلوا عني و الشخص الوحيد اللي وثقت فيه و حبيته برضو يتخلي عني أنا بريئة من كل الظلم ده
صمتت للحظات ثم أكملت بدموع
أنا كنت عارفه أن ده هيحصل بس كان عندي أمل أنه ميسبنيش
أنا مش عايزك تفقدي الأمل أوعدك إني هجمعك بيه في يوم من الايام صدقيني
كفاية وعود بقى أنا مش عايزه حاجه
مهما تقولي هفضل عند وعدي و أنتوا الاتنين هتتجمعوا في يوم بسببي!
نظرت له براء بدموع ثم التفتت لتعود إلى الملجأ و لكنه وقف أمامها فمنعها من السير
هتخرجي بكره الساعة كام
فكرت براء للحظات ثم قالت
الساعة ٣ العصر
تمام أنا هكون موجود قدام الملجأ هنا أنا مش هسمح أنك تفضلي في الشارع لحد ما نلاقي حل تاني هتعيشي مع الداده بتاعتي في بيتها الفتره دي هي عايشة لوحدها لحد ما تنتقلي لمكان تاني
ماشي يا كريم شكرا على كل اللي بتعمله معايا
إحنا اخوات بلاش الكلام ده
نظرت له براء بابتسامة حزينه ثم دخلت الى الملجأ وذهب كريم الي بيته كان يامن في غرفته يطالع الفراغ بعدم اهتمام و قد وعد نفسه أنه إذا خرج من هذا البيت لن يعود له مرة أخرى و قال بصوت مسموع
سامحيني يا براء أنا مكنتش قد الوعد اللي وعدتهولك أنا مكنتش قد ثقتك بيا بس كل اللي عايزك تعرفيه أنك لو مكنتيش ليا محدش هيقدر ياخد مكانك أنا شوفت نفسي زي عيون الناس عيل صغير بس لما مقدرتش احافظ عليكي سامحيني
في اليوم التالي
الساعة الثالثة عصرا
ذهب كريم الي الملجأ و أنتظر براء حتي تخرج و لكنها تأخرت كثيرا حتي اتجهت إليه مديرة الملجأ
خير يا ابني
مستني براء مش المفروض كانت تخرج الساعه تلاته
براء خرجت من الساعه ١
نعم! أزاي يعني دي قالتلي هتخرج الساعه ٣
زي ما بقولك كده هي خرجت الساعه ١
هتكون راحت فين دي ملهاش حد!!
نظر حوله بعدم تركيز و قلق ثم نظر إلي السماء وقال
أنت فين يا براء
ي
الفصل الرابع
بعد مرور سبعة أعوام
تململت في سريرها بإنزعاج بسبب ذلك الصوت الذي يعكر مزاجها كل صباح نهضت من مكانها و أنهت رنين هذا المنبه المزعج تنهدت بتعب ثم اتجهت الى الحمام و غسلت وجهها و رتبت شعرها ثم خرجت و اتجهت الي المطبخ لتعد
لتحتسي قهوتها الساخنه وهي تقرأ إحدى الجرائد وبعد لحظات أحست بيد توضع علي كتفها فابتسمت بهدوء والتفتت لها أردفت
ماما فاطمة صباح الخير
صباح النور يا حبيبتي صاحيه بدري ليه ده أنت نايمه متأخر
أعمل إيه ما انت عارفه أن عندي شغل كتير
ربنا يقويكي يا حبيبتي هو فين بابا جمال صحيت الصبح ملقتهوش جمبي
خرج يتمشي شوية انت عارفه أنه بيحب يخرج بدري كده يستمتع بأول النهار
ضحكت المرأة المسنه بحب وقالت
طول الاربعين سنه اللي عيشتهم
معاه وهو متعود يعمل كده بس ولا مره قالي تعالي اتمشي معايا الصبح بدري
يمكن عشان مش عايز يزعجك في عز نومك
اقنعتيني يا ستي
ضحكت براء ثم نهضت من مكانها وقالت
تحبي احضرلك إيه على الفطار النهاردة
نظرت لها فاطمه بحب و قد تكونت بعض الدموع في عيونها لتلاحظها براء فاقتربت منها بسرعه ومسحت دموعها وقالت بقلق
مالك في ايه! ليه الدموع دي
دي دموع الفرحه يا بنتي مكنتش أعرف أن ربنا بيحبنا اوي كده علشان بعتك لينا من سبع سنين للنهارده و أنا بحمد ربنا كل ما أبص في وشك كل يوم الصبح بحس أد إيه ربنا عوضني بيكي عن كل حاجه في الدنيا أنا مكنش مكتوبلي إني أخلف بس برضو ربنا رزقني بإحساس الامومه و كمان أداني زوج عظيم و
قاطعتها براء لتقول
و أب عظيم كمان عمري ما هنسي اليوم اللي اتجمعت معاكم فيه
حبيبتي ربنا ما يحرمنا منك سيبيني بقى أنا اللي أحضر الفطار النهاردة ارتاحي
أبتسمت لها براء و جلست على إحدى الكراسي في المطبخ وسرحت بذاكرتها قبل سبع سنوات لتعود الى اليوم التي تركت فيه الملجأ
قبل سبع سنوات
خرجت براء من الملجأ بعد أن ودعت جميع أخواتها وسط دموعهم الغزيرة وقبل أن تخرج من باب الدار ركضت حنين نحوها لترتمي في پبكاء وقالت
بالله عليكي ما تمشي خليكي معايا
ڠصب عني لو عليا مش عايزه اسيبك ابدأ خلي بالك من نفسك و مهما حصل في الدنيا مصيرنا نتجمع تاني خليكي فاكره ده
نظرت لها حنين بدموع ثم أبتعدت عنها براء وخرجت إلى الشارع و ظلت تجوله بعدم تركيز وقالت في نفسها
أنا أسفه إني كدبت عليك يا كريم بس أنا قررت إني أبعد و أقلب صفحة يامن من حياتي لأني مش هستحمل ۏجع تاني يارب أنا عارفه أنك مش هتسيبني لوحدي أنا مليش غيرك
ترقرقت الدموع في عيونها مع اخر جملة لتتساقط علي وجنتيها الشاحبه مسحت دموعها بسرعه حتي لا يلاحظها أحد و نظرت أمامها لتجد أنها قد وصلت إلى محطة القطار دلفت إلى المحطة و أخرجت كل ما تمتلكه من نقود من حقيبتها الصغيرة المصنوعة من الصوف و التي قد صنعتها بيدها و وجدت أنها تمتلك بعض النقود فقط و التي تكفي لشراء تذكرة إلي مدينة
الإسكندرية وبعض اللقيمات حتي تتناولها فكرت للحظات ثم
عزمت أمرها واشترت التذكرة وصعدت إلى القطار مودعه تلك المدينه بذكرياتها المؤلمھ
وبعد ساعات قد حل المساء ووصل القطار إلى مدينتها الجديده ترجلت منه وقالت بصوت خفيض
اللهم رب السماوات السبع وما أظللن ورب الأرضين السبع وما أقللن ورب الشياطين وما أضللن ورب الرياح وما ذرين فإنا نسألك خير هذه المدينه وخير أهلها ونعوذ بك من شرها وشړ أهلها وشړ ما فيها
خرجت من المحطة لتسير بين شوارع المدينة بلا هدف حتي تعبت و أحست ببعض الجوع فأخرجت ما تبقي من مالها و اشترت بعض البسكويت عله يسكت معدتها الجائعة و جلست علي إحدى الأرصفة لتتناوله و قد شردت مرة أخرى كعادتها لتفيق تلك المره على ذلك الشاب الذي يطالعها انتفضت من مكانها ونهضت من مكانها وسارت بخطوات سريعه حتي شعرت به خلفها تماما وقال هذا الشاب
أستني بس أنت شكلك مش من هنا صح
نظرت له براء پخوف وقالت
ملكش دعوة امشي و سيبني في حالي
لا أمشي إيه معقول أمشي و اسيبك في الشارع في الوقت ده كده ميصحش
و تجرأ أكثر ليمسك يدها بقوة صړخت هي بصوت عالي
أنت قليل الادب أبعد عني يا إما هصوت و ألم عليك الناس
حاول هذا الشاب أن يكتم فمها بيده و لكنها وضعت يده بين أسنانها لېصرخ هو پألم وركضت من مكانها سريعا لتصطدم بفتاه في العشرينات من عمرها نظرت لها الفتاه بتعجب وقالت براء بسرعه
أرجوكي ساعديني في راجل بيرخم عليا
اهدي مټخافيش فين الراجل ده
ألتفتت براء وقالت
هناك ا
وتوقفت عن الكلام عندما وجدت أن هذا الشخص قد اختفي تنهدت
بتعب وأمسكت رأسها ولاحظت الفتاه توترها هذا لتقول لها
انت إيه اللي ممشيكي لوحدك في الوقت ده طبيعي أي حد يشوفك يرخم عليكي
النصيب و أنا يعني لو كان ليا مكان كنت فضلت في الشارع كده
مش فاهمه انت ايه حكايتك
ولا حاجه أسفه
لو عطلتك معايا عن أذنك
أستني مينفعش تمشي لوحدك قوليلي رايحه فين و أنا هوصلك
نظرت لها براء للحظات ثم ترقرقت الدموع في عيونها وصمتت ساد الصمت للحظات حتى قالت الفتاه
تعالي معايا
نظرت لها براء پخوف وقالت
اجي معاكي فين أنا معرفكيش
أكيد مش هخليكي تفضلي في الشارع كده أنت شكلك هربانه من اهلك ولا إيه
لا والله ابدا
اومال إيه بتحبي حد يعني كنتي هتهربي معاه و هو خلى بيكي
تنهدت براء بقلة حيلة لتقول الفتاه
طيب مش وقت كلام باتي عندي الليلة دي والصبح يحلها ربنا أنا اسمي مى
وأنا براء
أبتسمت لها مى ثم سار الإثنان حتى وصلوا الي بيتها ودلفوا الي الداخل وسط توتر براء ورهبتها من المكان جلست مي على الأريكة و شاورت على إحدى الغرف وقالت
اقعدي في الاوضة دي و ارتاحي شكلك تعبتي أوي النهاردة
أيوة أنا عايزه انام بس شكرا جدا
العفو
دلفت براء الي الغرفة و جلست على السرير لترتاح قليلا تنهدت بتعب وقد شعرت بقبضة قوية في قلبها من هذا المكان و لكنه بالنسبه لها كان أفضل من الشارع بكثير استلقت على السرير بسرعه لتغط في نوما عميق عله يخفف من الالم التي تشعر به في قلبها
وفي اليوم التالي
استيقظت براء و فتحت عيونها ببطئ لتنتفض من مكانها حين تجد رجل يقف أمامها و ينظر لها بقوة! خرجت صرخه قويه منها ليقترب هذا الرجل منها ويكتم صوتها سريعا وهنا دخلت مى الي الغرفة وحدثت الرجل
إيه رأيك مش قولتلك حلوة عجبتك ولا إيه
نظر الرجل الي براء بتفحص و نظرة الإعجاب في عينيه وقال
عجبتني بس دي قمر جبتيها منين دي
ضحكت مى بخفة وقالت
دي وقعت في طريقي لوحدها معرفش إيه حكايتها هربانه ولا إيه لقيتها ماشيه لوحدها في الشارع في عز الليل
أبتعدت براء عن هذا الرجل سريعا و قد تكونت الدموع في عيونها و قالت
ايه اللي أنت بتعمليه ده ابعدوا عني
ثم نظرت إلي مى وقالت
وسعي من قدامي خليني امشي
نظرت لها مى بسخرية وأردفت
هو دخول الحمام زي خروجه ولا إيه انت ډخلتي هنا بمزاجك آه بس مش هتخرجي بمزاجك لا اسكتي شوية مش عايزه صداع
طالعتها براء بعصبية ثم هجمت عليها وقالت
أنت بني ادمة حقيره و أنا غلطانه إني وثقت في واحده زيك
انت اټجننتي!!
قالت مى تلك الجملة ثم صفعت براء بشدة لتسقط علي الارض مغشيا عليها نظرت لها مى بتهكم ثم طالعت الرجل الواقف أمامها وقالت
قدامك أهي بس حسابي الأول و هاخد ضعف اللي اتفقنا عليه
و ده ليه بقى!
هو كده لو مكنش عاجبك
ماشي يا قمر انت تؤمري بس أنا عايزها صاحيه و فايقه
مليش دعوة أنت حر خدها دلوقتي لو عايز
اخدها فين انت اټجننتي ومراتي! خليها عندك لحد ما اظبط الدنيا
ماشي
ثم أخذت منه بعض النقود و خرج هو من المنزل وبعد ساعات استيقظت براء لتجد نفسها على الارض نهضت من مكانها بسرعه ما أن تذكرت ما حدث معها قبل أن تفقد وعيها ترقرقت الدموع في عيونها ولم تعرف ماذا تفعل للحظات حتي اتجهت الي باب الغرفة و فتحته ببطيء وعندما لم تجد أحد بالخارج أخذت حقيبتها وخرجت من الغرفة و ركضت سريعا نحو باب المنزل و قبل أن تفتحه أمسكها مى بسرعه وقالت
انت رايحه فين!
نظرت لها براء بدموع وقالت
الله يخليكي خليني أمشي حرام عليكي اللي عايزه تعمليه فيا
ده أنت تشكريني إني لقيتلك حد ياخدك من الشارع اللي قاعده فيه ده
صړخت بها براء
أنا اقعد في الشارع أحسن ما أكون واحده مش محترمه زيك
انت عارفه لولا أن
الزبون عايزك سليمه أنا كنت قتلتك هنا ولا حد يعرف بيكي حاجه! خشي قدامي
دفعتها براء بعيدا عنها وقالت
لا مش داخله أنا همشي من هنا
و بدون أي مقدمات صڤعتها مى بقوة على وجهها وحااولت سحبها للداخل ولكن براء قاومتها بشدة وتشاجر الإثنان وفجأة التقطت براء إحدى الاشياء الصلبة بجوارها وضړبت مى على رأسها بقوة ليختل توازنها صړخت براء بفزع حين وجدت الډماء ټنفجر من رأسها و سقطت مى على الارض فاقده الوعي نظرت لها براء بفزع و خوف ثم خرجت من البيت سريعا ونزلت الي الشارع لتركض بفزع بعيدا عن المكان أخذت تركض بشده حتي تعبت و جلست على أحد الأرصفة لتبكي پقهرة و حدثت نفسها بصوت عالي
أنا ليه بيحصل فيا كده يارب لو كل ده بسبب ذنب عملته و أنا مش عارفه اغفرلي يارب أنا خاېفه و مليش غيرك أكلمه هو ليه كله بيتخلي عني أنا فيا حاجه وحشه طب يارب
قالت تلك الجملة ثم اڼفجرت في البكاء وظلت تسير بعدم هدف حتي وصلت الي مكان هادئ و جلست مكانها بتعب و غلبها النعاس لتنام مكانها و بعد ساعات استيقظت من نومها لتجد نفسها على نفس وضعها
اعتدلت في جلستها و شعرت ببعض الجوع فبحثت عن بعض النقود في حقيبتها لتجد بعض الجنيهات ابتسمت بحزن و نهضت من مكانها واشترت لها بعض الطعام و جلست على الرصيف مرة أخرى لتتناوله وفجأة وبين كل هذا الهدوء صدع صوت صرخات عالية من البنايه المجاورة لها
كان يجلس في إحدى الأماكن المطله على النيل مباشرا ويستمع إلى بعض الموسيقي الهادئة حتى شعر بمن يجلس بجواره ألتفت إليه ليجده صديق عمره كريم والذي قال له
كنت عارف إني هلاقيك هنا
نظر له يامن وأبتسم أبتسامه صغيرة وقال
عاش من شافك مختفي ليه الفتره دي قولتلك بعد الجواز و الخلفه هتتغير مصدقتنيش
ضحك كريم بخفة وقال
أعمل إيه ڠصب عني والله أنت عارف تعب نسمة و إني أنا اللي شايل كل حاجه و ملك متعلقه بيا أوي
أبتسم يامن وقال
أتصدق وحشتني أوي مجبتهاش معاك ليه
عشان أركز معاك أنا مش عاجبني حالك هتفضل تعاقب نفسك لحد امتي
لحد ما القدر يجمعني بيها تاني
طول السنين دي و إحنا بندور عليها و مفيش فايده أفرض العمر جرى وأنت متجمعتش بيها برضو
عمري ما هسامح نفسي أنا كسرتها يا كريم هي وثقت فيا و أنا مكنتش أد ثقتها أنا ظلمتها
و أنت كمان اتظلمت يا يامن للأسف هي اختفت قبل ما تعرف أن كل اللي حصل ده مكنش بمزاجك و إنك كنت محپوس و مش قادر تطلع من اوضتك كفاية إللي بتعمله في نفسك ده والعقاپ مش هيجيب نتيجة أنتوا الاتنين اتظلمتوا
زفر يامن پألم وحاول أن يغير الموضوع فقال
خلاص أقفل الموضوع ده أنت مال وشك حاسس إنك تعبان
عندي دور برد مبهدلني يا عم ورغم كده جايلك و أنت على الكورنيش في الجو ده
ثم أبتسم كريم بمزاح وقال
و بلاش تقفل الموضوع أنا شايف انك لازم تتجوز يا يامن!
أنت اټجننت يا كريم أنا مش ناقص الله يخليك أنت مينفعش تطلب مني كده لأنك عارف أنا عايز ايه
و اللي يوصلك للي انت عايزه!
يعني ايه!
يا الفصل الخامس
وفجأة وبين كل هذا الهدوء صدع صوت صرخات عالية من البنايه المجاورة لها نهضت من مكانها بفزع واستعدت حتى تهرب من المكان ولكن أوقفتها تلك الصرخات الباكيه و لم تمر ثواني حتي وجدت رجل كبير السن يهرول بتعب خارج البيت و ېصرخ بأعلى صوته لطلب المساعده حتى سقط على الارض بقوه فركضت نحوه سريعا أردفت
خير يا حاج في إيه!
نظر لها الرجل باستغاثة وقد اسكتته دموعه فلم يقدر علي الكلام نظرت براء إلى البيت لتجده مشتعل ڼارا فشهقت بفزع و بدأ الرجل في السعال بشده و قال بصعوبة
مراتي محپوسة جوه أرجوكي الحقيها خلي أي حد يلحقها أنا مش بقدر اتنفس
نظرت له
براء بعيون متسعه و بدون أي تفكير ركضت إلى البيت سريعا و دلفت إليه لتجد النيران مشتعله به و لكنها لم تكن منتشره في البيت بأكمله فحمدت ربها و تحركت بسرعه و تتبعت
أنا معاكي مټخافيش قومي معايا لازم نخرج من هنا
ظلت صرخاتها متواصله حتى بدأت تنتبه إلى كلمات براء فهدأت قليلا و نجحت براء في انتشالها من تلك النيران و خرجت من البيت و في تلك الأثناء كان جميع من في البنايه قد أنتبه إلى صرخاتها و قد أتت المطافئ و أنقذت ما يمكن إنقاذه من المنزل و جلست براء
مع السيدة و زوجها في إحدى الأركان أمام البيت كانت
السيده مستقره في زوجها القلق عليها حتى أبتعدت عنه قليلا و نظرت للجالسة بجانبها اردفت
أنا مش
