اعداء ثم احباب بقلم ايمان شلبي
يابني ياحبيبي افرد وشك شويه العريس يقول ايه لو شافك كدة يقول مش موافق؟
بصلها بغيظ وهو بيربط الجرفت بتاعته
برضو هتقولي عريس
ده رجله والقپر وتقوليلي عريس ياماما
ردت بلهفة
بعد الشړ عليه ده عنده ٥٠ سنه يعني لسه شباب!
اخد نفس عميق وشاورلها ناحيه باب الاوضة
لو سمحتِ ياماما اخرجي انا مش عايز اتعصب
شهقت شهقه صغيره كلها خجل
اخرج ازاي لوحدي
مينفعش
رفع حاجبه بأستغراب
ليه أن شاء الله مكسوفة!!
حطت وشها في الأرض بخجل وهزت رأسها
اما عنه جز فوق أسنانه وضغط فوق كفوفه وهو بيحاول يسيطر علي اعصابه احسن ما يخرج يكسر البيت علي دماغ العريس وبنته اللي موافقه علي المهزلة اللي بتحصل ديه!
فتح الباب وخرج وهو بيقولها بضيق
تعالي ورايا
دخل بخطوات سريعة،ملامحه مكشرة،وعيونه بتطق شرار
عازم النيه علي تطفيشه هو وبنته وطردهم شړ طردة
اول ما دخل كان العريس قاعد وبنته المصون مبتسمة إبتسامة غبية مستفزة!
اول ما شافه قام وقف بأبتسامة مهزوزة
ازيك يا نوح يابني
بصله من فوق لتحت بغيظ وسلم عليه وضغط علي كفه
اهلاً يا عريس
بلع ريقه وبص للي كانت واقفه وراه مړعوبه فهزت رأسها بقله حيله وتوتر
اهلاً وسهلاً يا استاذ نوح انا ليليان بنت العريس و....
كانت ماده ايديها تسلم عليه بصلها من فوق لتحت وقاطعها ببرود من غير ما يبادلها السلام
اهلاً
راح قعد علي كُرسي وهي واقفه تبصله بذهول وإحراج كأن جردل مائة سقعة نزل فوق دماغها!!
بص إمامته وقالها بحِدة
ما تقعدي ياعروسه واقفه ليه متتكسفيش ده زي ابوكي
ليليان بذهول
زي ابوها!!!!
نوح بأستفزاز
ايه مالك زعلتي ليه
زي جدها طيب
ليليان بغيظ وإندفاع
ليه أن شاء الله شايفه عنده ٨٠ سنه
ده لسه صغير وشباب
وبعدين يعني الفرق ما بينه وبين امك ٥ سنين
ابوها بتحذير
ليليان
بصت لمامته بأحراج
سوري ياطنط
حط رجل فوق التانيه وسند ظهره علي الكرسي
ايوه بس انا مامتي مش باين عليها السن
لسه صغيره وحلوه انما الحج كبر وعجز وبقي كركوب!
ليليان بعصبية وهي بتقوم تقف
ايه كركوب ديه ما تحترم نفسك يا افندي انت ولا علشان انت ابن العروسه يعني هتتشرط علينا
حسن باباها بتوتر
ليليان خلاص
خديجة مامته بأبتسامة مهزوزة
نوح حبيبي هو ده اللي اتفقنا عليه
بصلها ومردش اما عن ليليان قعدت مره تانيه وهي بتنفخ بضيق
حسن بتلعثم
ب بص يابني ا انا جاي طالب القُرب منك و.....
قاطعه نوح ببرود
طالب القرب مني في مين ياحج انا مش متجوز ولا عندي بنات!!
سبقته ليليان
طالبين القرب منك في الست الوالده عارفها ولا متعرفهاش!
نوح بسخرية
وحضرتك بقي والدة العريس مش كده
اومال فين والد حضرتك يا انكل حسن
مش من الاصول برضو يحضر الإتفاق
ليليان پجنون وهي بتهبد علي الكنبه
انت بني ادم سخيف بجد سخيف جداً
حسن بتحذير وهو بيمسك ايديها
ليليان قولت خلاص اسكتي
بصيتله بشرار وهو بيبصلها بتحدي وبرود ورفعة حاجب مستفزه زيه تماماً!!
طلباتك يابني
بصله نوح وسكت شويه
مؤخر ٥٠ الف جنيه
وقايمه مليون جنيه و....
شهقت ليليان وقامت وقفت مره تانيه
حيلك حييييلك مؤخر ايه وقايمه ايه هو انت قاعد مع ابو هشيمة وبعدين امك هتيجي تعيش معانا يعني مش هتجيب حاجه انت فاكرهم عرسان بجد ولا ايه!
ابتسم بسخرية وهو بيبص ل ليليان اومال بنهزر ولا ايه ده برنامج الكاميرا الخفيه!
حسن بسرعة وهو بيحاول يلم الموضوع
يا جماعة بالله عليكم خلونا نتكلم بهدوء... احنا ناس كبار
بصله نوح ببرود
طب ما تتكلم يا حج... انت عايز تتجوز أمي ليه
طمعان في القرشين اللي معاها
بصت خديجة لنوح پصدمة
نوح!!
لكن هو كمل بنفس الجمود
لا بجد... حب؟ ولا وحدة؟ ولا طمع و.....
ليليان بعصبية
طمع ايه يابني آدم ياقليل الذوق والرباية انت
ده انا ابويا يغرق شقتكم دي كلها فلوس
ليليان اهدي
رفع حاجبه وبص في عيونها مباشرة
طب ما نجرب؟
ردت بتوتر
نجرب ايه؟!
سند إيده على الكرسي وقال بثقة
نوافق على الجوازة
الأربع عيون اتفتحت پصدمة!
خديجة
نوافق؟!
حسن بفرحة وتوتر
يعني... انت موافق يا بني؟
نوح وهو لسه مركز مع ليليان
موافق... بس بشرط
عقدت دراعتها
شرط ايه
ابتسم ابتسامة خبيثة
نعيش كلنا في نفس البيت
ليليان
نعممم؟!
نوح أنا... وأمي... وانتي... ووالدك،ومش بس كده،الحج يصرف علي البيت ويصرف علي امي وعليا وعليكي ويجيب طلبات البيت ويوضبلي شقتي و.....
ليليان بتلقائية
مش عايز شيكابون لأمك بالمرة
خديجة بتوتر
ا انت بتقول ايه يانوح من امتي يابني وانت بتخلي حد يصرف عليك،انت طول عمرك مبتحبش تاخد فلوس من حد و
قاطعها بنبرة حادة
يا إما كده... يا مفيش جواز
حسن بحزن
بتعقدها ليه بس يابني
مش حضرتك عايز تتجوز ماما
وبتحبوا بعض
واللي بيحب حد بيعمل المستحيل علشانه
انت بتطفشنا بالطريقه يعني
نوح بتهكم
ماشاء الله عليكي لماحة جداً
اتنهد حسن تنهيده طويله بعدها قال
موافق
خديجة پصدمه
حسن
ليليانانت بتقولي ايه يابابا موافق علي ايه حضرتك مش بتشتغل و اللي جاي علي قد اللي رايح و.....
هشتغل يا ليليان،هشتغل واعمل اي حاجه استاذ نوح عايزها
بص لنوح وكمل بحزن
انا زمان ضيعت مني خديجة لاني مكنتش قد المسؤولية ولا كنت بحاول،بس دلوقتي مش هكرر نفس الغلطه،انا موافق علي كل طلباتك يانوح
بصله نوح و سكت شويه بعدها اتنهد واتعدل في مكانه وقال بهدوء
انا مليش طلبات،ده كان اختبار وانت نجحت فيه
انا موافق بس بشرط
ليليان بتذمر
ايه عايز تزود ايه مع الأوردر!
هنعيش مع بعض فتره
ليه خير!
سند ظهره علي الكرسي ورد ببرود
ده شرطي الوحيد
و وماله يابني م مفيش مشكله انت تنورنا والله و......
هو ايه اللي ينورنا يابابا هو احنا نعرفه منين عشان نجيبه يعيش معانا
نوح بهدوء وهو بيبصلها
وانا اعرفكم منين علشان اسلمكم حته مني كده بالساهل!!
عم الصمت علي المكان،كانت بتبصله خديجة بتأثر ودموع بتلمع
البيت بيتك ياحبيبي تنور،نقرأ الفاتحه؟؟
بصله واخيرا ابتسم ابتسامه صغيره
نقراها
ليليان بتلقائية
لولولولولي اخيراً لقد هرمنا من أجل هذه اللحظه وان شاء الله والف الف مبروك
نوح بهمس وخبث وهو بيوزع نظراته ما بينهم
شكلنا هنتسلي
جه يوم كتب الكتاب،البيت كان متزين زينة بسيطة ورقيقة،خديجة كانت لابسه فستان شيك يليق بسنها،وحسن لابس بدلة،نوح لابس قميص اسود وبنطلون اسود،وليليان فستان بيبي بلو وفاردة شعرها علي كتفها
نفخ نوح بضيق وخرج ناحية البلكونة،ۏلع سجارة وبدأ ېدخن بشراهة
انت ليه متضايق؟!
لف لمصدر الصوت برفعة حاجب،قربت منه ووقفت قدامه وربعت ايديها وهي بتقوله
ليه متضايق أن مامتك هتتجوز بابا
رد بعصبية مكتومة
المفروض اضحك وابقي مبسوط يعني وانا شايف امي بعد السن ده رايحه تتجوز!
هزت أكتافها بهدوء
وايه المشكلة
هي مبتعملش حاجه غلط
طول عمرها عايشة علشانك
اشتغلت وتعبت ووصلتك للي انت فيه
كان ممكن تعمل زي امهات كتير وتتجوز بعد سنه واحده بس من وفاه والدك بس هي معملتش كده،ليه مستكتر عليها تعيش اللي باقي من عمرها مع شخص بتحبه وبيحبها
هبد فوق السور پغضب
حب ايه وكلام فارغ ايه هما صغيرين علي المسخرة ديه
قربت منه خطوه ورفعت راسها وبصتله بعصبيه
الحب ميعرفش سن يا استاذ نوح
ومش كل الناس زي حضرتك معندهاش مشاعر
وعلي فكره انت بني ادم اناني جداً
ومش بس كده انت كمان متبلد المشاعر
وقليل الذوق و.....
شدها من دراعها وقرب وشه من وشها وهو بيجز فوق أسنانه
انتِ لو مختفتيش من قدامي دلوقتي هتزعلي
ردت بعند وهي بتبص جوا عيونه بشجاعة
هتعملي ايه يعني
اختفي من وشي احسنلك
للأسف احنا عايشين مع بعض في نفس البيت يعني هفضل قدامك ساعة
نفضت ايديها من أيده وخرجت من البلكونة اما عنه بص لأثرها بعيون حمرا وعروق بارزة!
بعد شويه دخلت مره تانية وهي شايلة الدفتر
اتفضل
رفع حاجبه
ايه ده
ابتسمت إبتسامة مستفزة
مش حضرتك شاهد
وبطاقتك برا ناقص امضتك!
شد منها الدفتر بقوه ومضي بعدها حدفه في وشها ولف ظهره سند علي السور وهو بيهز رجله بعصبية
دقائق وسمع صوت زغروطتها المستفزة بالنسباله يتبعها زغروطة في التانيه في التالته
خرج بأندفاع
ما خلاص كفايه صداع
ردت ببرود
كفايه ليه هو احنا عندنا فرح كل يوم
الف الف مبروك ياطنطي مبروك يابابا ياحبيبي ربنا يسعدكم يارب وعقبال ما نشوف قطقوط صغنن كده يملي علينا البيت قريب
هبد علي الحيطه وراح ناحيه باب الشقه وخرج من غير ما ينطق حرف
ليليان وهي بتبص لأثره بأبتسامة خبيثة
اهلاً بالمغامرات والتسلية
خديجه پخوف
ه هو متعصب اوي كده ليه
حسن تفتكر هيزعل مني ومش هيجي تاني
لا طبعاً ياحبيبتي متقلقيش هو بس شويه شويه هيتعود علي الوضع الجديد ان شاء الله
ليليان وهي بتقرب منها بأبتسامة حاولت تطمنها
متقلقيش ياطنط نوح بيحبك جداً وميقدرش يبعد
خديجه بتوتر
يارب يارب
الساعه 3 قُرب الفجر
رجع نوح بعد لف كتير جداً وتفكير اكتر
رن الجرس،شويه وفتحتله ليليان
امتعضت ملامحه ورجع خطوه لورا پخوف
بسم الله الرحمن الرحيم اعوذ بالله من ڠضب الله
حطت ايديها في وسطها برفعه حاجب
ايه مالك شوفت عفريت!
زهقها براحه ودخل وهو بيرد بسخرية
ده العفريت شكله احلي من كدة
ايه الماسك ده
ده قهوه وجيلاتين
بيعمل ايه يعني
معرفش بس هو حلو
فاكرة هيشيل وشك ويعمل وش تاني يعني ولا ايه
غلبانه اوي والله هتفضل نفس السحنه
ردت بابتسامه ساخره
هه سكر ماشاء الله
مردش عليها ودخل اترمي علي الكنبة وعيونه بتدور في المكان
اومال فين ماما
ردت بتلقائية
نايمة مع بابا
اتعصب وهبد علي الكنبه
ما تراعي الفاظك وتحترمي نفسك!
راحت قعدت علي الكرسي وفردت رجلها علي الطرابيزة
والله انت اللي دماغك متركبة غلط
هما فعلياً نايمين
بصلها بغيظ وسكت أما عنها مسكت المانكير وبدأت تحط علي ضوافرها بكل برود ولا مبالاه
هو انتِ مش متضايقة؟!
ردت من غير ما تبصله
هتضايق من ايه؟
مش متضايقه أن باباكي اتجوز
وان في واحده تانيه هتاخد مكان مامتك!
قفلت المانكير ورفعت عيونها في عيونه وهزت رأسها بنفي
لا مش متضايقة،ماما ماټت الله يرحمها وبابا رفض يتجوز بعدها لانه خاف عليا من واحده تانيه تيجي تأذيني،كبرت واتعلمت واتخرجت وبقيت اقدر اعتمد علي نفسي واتخطبت وخلاص هتجوز اهو فكان من حقه يتجوز هو كمان ويعيش الباقي من عمره مع حد بيحبه
منتبهش لأي كلمه غير كلمه واحده بس وعلق عليها
انتِ مخطوبة؟
اه
رفع حاجبه بتساؤول
اومال فين خطيبك مجاش ليه النهارده؟؟
ردت بضيق وهي بتفتح الفون بتاعها
مسافر
امممم شغال برا يعني
في السعوديه
والفرح أمتي
كمان سنة
سكت لحظه بعدها سأل بتوتر
بتحبوا بعض ولا جواز صالونات
رجعت بصتله وردت بسخافة
ايه كل الاسئله ديه وكأنك صاحبي!
رد بقرف
انتِ تطولي أصلاً تبقي صاحبتي ده انا مهندس و.....
بسسسس والله مانت مكمل،انا غلط وانت صح فرصه سعيده والدربندح يا بشمهندس نوح
هز رأسه بيأس وقله حيله وقام دخل اوضته ورزع الباب وراه بكل قوته لدرجه اتنفضت من مكانها وهمست بغيظ
بني آدم براس بخاخة
تاني يوم الصبح
فتح نوح عيونه فجأة لما سمع صوت خبط ورزع وصوت خلاط اتعدل في السرير وهو بيبص حواليه بتوهان
ايه الصوت ده!
ثواني وبدأ يستوعب قام بعصبية، فتح باب أوضته پعنف وهو ناوي يكسر البيت فوق دماغها
صباح الخير يابني
بص لحسن اللي كان قاعد علي الكنبه بيشرب قهوه بهدوء وفي ايديه جورنال بيقرأه
رد بجمود
صباح النور،هو ايه الصوت ده
رد بقله حيله
دي ليليان بتعمل مشروبها الصباحي جاكوزي فردوسي والله يابني مانا عارف اسمه
قصدك سموزي!
هز رأسه بتأكييد
ايووووه هو ده
وفين ماما
واقفه معاها بتحضر الفطار
هز رأسه بأقتضاب وراح ناحيه المطبخ كانت ليليان
صباح الخير
قفلت الخلاط وبصتله ومردتش عليه
خديجه بلهفه
صباح النور ياحبيبي ثواني والفطار هيكون جاهز
باس راسها بنفس ملامح الجمود وهز
