اعداء ثم احباب بقلم ايمان شلبي
همشي دلوقتي بس جالي شغل في القاهره قولت بالمره بقي تتعودوا علي غيابي
هزت راسها وهي بتضغط علي شفايفها بقوة
بالسلامه
رفع حاجبه
انتِ بتكرشيني
ضحكت بسخرية وهي بتحاول تخبي دموعها
اه،عايزة اخد راحتي في البيت
افهم من كده اني كنت كاتم علي نفسك؟
ردت ببرود وهي بتبص الناحيه التانيه
بالظبط
سكت. وبصلها كام ثانية نظرة طويلة أربكتها.
كان واضح جداً إنها بتكدب
قرب من مامته
خديجة بأنهيار
هتوحشني اوي يانوح،اوعي تغيب عليا
كلمني كل يوم،وتعالي زورني،و وخلي بالك من نفسك ومن اكلك
طمني دايما عليك
هز رأسه وهو بيبص ناحيه ليليان اللي كانت بتهز رجلها بعصبيه بعدها راح سلم علي حسن
وطبطب عليه بحنيه
خلي بالك علي ماما
في عينيا يابني وانت خلي بالك علي نفسك
شال الشنطة واتحرك ناحيتها
مد ايديه يسلم عليها
بصتله شويه
كانت
حزن،خوف،عتاب،اعتياد
مع السلامه يا لي لي
خرجت من شرودها وسلمت عليه بفتور
مع السلامه
بلعت ريقهاوهمست بنبرة مبحوحة
خ خلي بالك من نفسك.
ابتسم ابتسامة صغيرة موجوعة
وانتِ كمان.
خرج وقفل الباب وراه
فضلت واقفة مكانها ثواني ثواني طويلة
وبعدين فجأة دخلت أوضتها وقفلت الباب پعنف.
بصت خديجة لحسن بقلق هي مالها؟!
اتنهد حسن وهو باصص ناحية الباب
واضح انها اتعودت علي وجوده
جوا الأوضة
كانت ليليان قاعدة علي السرير،ضامة رجليها لصدرها وبتبص للموبايل.
فتحت الشات بتاع نوح.
آخر رسالة بينهم كانت هاتلي معاك شيبسي وانت جاي.
ضحكت ڠصب عنها وسط دموعها وبعدين عيطت أكتر.
ليه زعلانة كده؟!
ده مستفز رخم مغرور وپيتخانق معاها علي كل حاجه.
بس
كان أول شخص يحتويها بعد كسرتها. أول حد يسمعها بجد. أول حد يخليها تحس إنها مهمة.
رن فونها فجأة.
كان
ردت بسرعة
ألو؟!
سكت ثانية وبعدين قال بهدوء
بقولك انا نسيت اخد حاجة ممكن تفتحيلي الباب
طب وبترن عليا ليه،خبط علي طول ادخل خد حاجتك وامشي
لا ما هو مش هينفع
هو ايه اللي مش هينفع
افتحيلي بس الباب
قامت بسرعة من غير ما تفكر وخرجت
كان قاعد علي الكرسي في الصاله
أما أول ما شافها سكت.
كانت عيونها حمرا من العياط.
اتوترت لما لاحظ نظرتها
في ايه،رجعت تاني ليه؟
رد بهدوء وهو بيسند ظهره علي الكرسي
اصل وانا نازل علي السلم فكرت
ردت بأستغراب
فكرت في ايه؟
بصلها مباشرة وبعدين لف لحسن اللي كان واقف متابعهم بفضول.
وقال بمنتهي الجدية
عم حسن انا حاسس ان وجود لي لي عامل ازمه
حاسس كده أن هي عزول
ليليان بغيظ
والله؟
ليه إن شاء الله هو انا رخمة وبقطع عليهم لحظاتهم الرومانسية زي ناس!
بقولك ايه
شهقت پصدمة
نعم!!!
نوح وهو بيغمز لخديجة
ايه رأيك ياماما
ردت خديجة بزغروطة وفرحه
حسن بذهول
انت بتتكلم جد!
خديجه بضيق
وهي الحاجات دي فيها هزار ياحسن؟!
مش قصدي بس يعني.....
قاطعه نوح بجدية
عم حسن انا بطلب منك ايد ليليان
عايزها تبقي مراتي علي سُنة الله ورسوله
بص ناحية ليليان اللي كانت واقفه مصدومه وبتضحك بذهول
حسن بجدية وابتسامه
انا معنديش مشكلة بس اهم حاجه رأي
لي لي
رد نوح بغرور مصطنع
اكيد هتوافق
ليليان برفعة حاجب
ايه الغرور ده
قرب منها خطوه وبص جوا عيونها وسألها بهدوء
هنروح نجيب الشبكة أمتي
بس انا لسه موافقتش؟
بص للسقف بتفكير
ياتري البدله الجريه هتكون احلي ولا الكحلي
بس....
انا بحبك
هه
همس في ودنها بنبره دافية
بقولك انا بحبك
ابتسمت بخجل وحطت وشها في الأرض ومردتش
موافقه؟
ردت بهمس كسوف
موافقة
ده
لازم كنت هحبك مهما لقانا اتأخر
تمت
اعداء_ثم_احباب
إيمان_شلبي
